Lere katak, lista ba rekrutamentu veteranus mós iha-ne'eba, la veteranu mós iha-ne'eba maibé depende ba saúde
Jenerál Lere fó ezemplu, veteranu ida nia-oan selesaun lima de'it mós la aguenta ne'e ka halai metru 100 la aguenta, labele obriga.
"Ita obriga nia ke saúde la permite. Ha'u la hatene veteranu sira-nia oan ne'e, iha kondisaun atu ba rekrutamentu ka lae, presiza saúde ne'ebé di'ak," Jenerál Lere Anan Timur informa ba jornalista sira iha Palásiu Prezidensiál, Bairru-Pité, kuarta (3/2).
Lere akresenta hateten, veteranu sira hakarak sira-nia oan fó kontinuidade ba misaun ne'ebé hala'o durante tinan 24 tanba instituisaun refere aparellu estadu nian.
"Ami prevee ba abríl maibé depende ba komdisaun ne'ebé ke ita iha. Ezemplu fardamentu, infraestrutura problema la iha, ha'u haree kestaun fardamentu deit," hateten Jenerál Lere.
Lere preokupa desizaun governu nian ne'ebé haruka kompañia ida atu ba aranja farda.
"Mas la hatene marsu to'o ka lae," Lere preokupa. (*)