Komisáriu Faustino fó ona orientasaun ba membru sira atu tenke duru iha implementasaun, bainhira identifika movimentasaun ilegál sei kriminaliza.

"Agora maka ba iha atividade ilegál balu ne'ebé sei nafatin, ne'e ita sei kriminaliza hanesaun ha'u hato'o beibeik katak, ida tanba Covid-19, ita halo tuir prosedimentu Ministériu Saúde (MS) ho Organizasaun Mundiál Saúde (OMS) nian," Komisáriu Faustino da Costa, ko'alia Hotel Tower, Fatuhada, Dili, kuarta (03/02).

Nia hatutan, bainhira kompleta ona prosesu iha kuarentena durante loron 14 mak la identifika moras, imediatamente PNTL sei halo fila-fali prosesu ba nia asaun kriminál sira detein oras 72 tanba konsidera fraglante delitu no prosesa tuir lei.

"Agora, durante iha kuarentena, saida mak ita halo. Ita buka identifika, ema ida-ne'ebé tama ne'e karik ema balu simu depois la fó informasaun, tanba devér kooperasaun tuir dekretu governu ne'e iha, la informa imediatu, husik hela, ema sira-ne'e foti lori hotu ba kuarentena. Bainhira hahán ne'ebé estadu fó ba sira loro-loron ne'e, idak-idak selu", dehan nia.(*)