Login to your account

Username *
Password *
Remember Me

Calistro Coliati: La Iha Rekrutamentu Foun, Fó Impaktu ba Prezenza F-FDTL Iha 'Fronteira'

Xefe Estadu Maior F-FDTL, Koronél Calistro dos Santos Coli "Coliati" Xefe Estadu Maior F-FDTL, Koronél Calistro dos Santos Coli "Coliati" Foto Arkivu

Tempotimor (Díli) - Relasiona ho ema ne'ebé kada loron tama sai ilegál iha fronteira, hodi aumenta númeru Covid-19 iha Timor-Leste, mak Koronél Calistro dos Santos Coli "Coliati" hateten, ida ne'e impaktu husi la iha rekrutamentu ba membru F-FDTL foun, entaun fó ameasa ba prezensa Forsas Armadas ho Polísia, iha fronteira mínimu.

"Komesa husi tinan 2015 mai to'o iha tinan 2021, ita la iha rekrutamentu, e tanba ita la iha rekrutamentu, forsa ne'e la to'o atu kobre territóriu tomak", dehan Koronél Calistro, iha Kuartél Jerál Fatuhada, tersa(23/2)

Nia hateten, kona-bá rekrutamentu ba membru F-FDTL foun ne'e, la'ós de'it iha Planu Forsa 2020 nian, maibé inklui mos iha planu OJE 2021 nian, ne'ebé aprova ona iha PN no promulga ona husi Prezidente Repúblika (PR).

"Sem dúvidas iha ne'ebá forsas armadas ninian ida mak rekrutamentu, tanba ne'e mak Jenerál Lere hatete apartir husi Abril ita hahú rekrutamentu, maibé la taka dalan, depende ba kondisoen no kondisoens mak hanesan ekipamentus individuál ne'ebé hahú 2019 prepara to'o ohin loron 2021 seidauk kompleta", informa Koronél Calistro.

Komandante ne'e akresenta, seidauk iha kondisaun, hodi hahú prosesu rekrutamentu, iha fleksibilidade hodi estende tan, bainhira ekipamentus individuais fardamentu, kilat no kondisaun hirak ne'e, prontu ona, mak foin bele hahú rekrutamentu.

"Karik seidauk prontu ita iha fleksibilidade katak ita bele muda maibé ne'e iha tinan ida 2021 nia laran", tenik Nia.

Nia esplika, iha Sentru Jestaun Krize membru militár hamutuk 20 ne'e kompostu husi Estadu Maiór, agora iha fronteira komesa husi Manduki, Mota-Ain, Batugade to'o iha Mota-Masin, ne'e militár hamutuk 160, inklui mos husi Oecusse, Ataúro to'o iha Betano, militár hamutuk 210.

"Ha'u hanoin fizikamente forsas armadas ho polísia, atu dehan katak seidauk sufisiente, tanba ita hatene iha liña fronteira ne'e, liña ida ne'ebé luan, portantu ita hahú husi Mota-Ain to'o Mota-Masin, ne'e distánsia ida ne'ebé luan teb-tebes", Koronél Calistro relata.

Tuir eis gerileiru ida ne'ebe agora sei ativu iha F-FDTL ba www.tempotimor.com nia informa, iha nesesidade, atu halo rekrutamnetu iha tinan ida ne'e, hodi prepara forsa foun sira ne'e, atu asumi responsabilidade wainhira eis-gerileiru sira hakotu sira-nia misaun, iha instituisaun defeza Timor-Leste

"Ami sira mai husi ai-laran ne'e, mesak atu tama ba terseira idade ona, nune'e mak, importante tebes atu halo rekrutamentu, la atinji 1200 novatus, tanba problema orsamentu maibé hakarak ka lakoi, pelu menus rekruta uluk soldadu foun 106, tanba ami sira ne'e terseira idade ona", dehan Ofisiál ida husi F-FDTL.(*)

Rate this item
(0 votes)
Last modified on Wednesday, 24 February 2021 08:01
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter