Login to your account

Username *
Password *
Remember Me

Joven Eis Merkadu Komoro Tuda Malu iha Serka Sanitária

Juventude sira ne'ebe parte PNTL kaptura iha Merkadu Komoro iha hela eskuadra PNTL Dom Aleixo, Kinta (18/3) Juventude sira ne'ebe parte PNTL kaptura iha Merkadu Komoro iha hela eskuadra PNTL Dom Aleixo, Kinta (18/3) Foto Espesial

Tempotimor (Dili)- Grupu rua husi joven sira iha área eis Merkadu Komoro tuda malu iha loron 17 fulan-marsu tinan 2021, kuaze tuku 22:00 otl, maske Governu implementa hela serka sanitária no konfinamentu domisiliáriu Obrigatóriu iha Kapitál nasaun.

Joven Sira ne’ebé asatu malu iha eis Merkadu Komoro nee, grupu ida ba parte tasi ibun ho seluk iha eskola 10 Dezembru nia kotuk.

Iha situasaun ne'e, grupu rua tuda malu kuaze oras ida mak parte seguransa Polísia Nasionál Timor-Leste (PNTL) bá halo atuasaun, maibé iha terenu komúnidade balun tuda kona fali autóridade seguransa sira.

Segundu Komadante PNTL Munisípiu Dili, Superientende polísia Euclides Belo hatete, iha situasaun grupu rua halo asaun ba malu ne'e, parte PNTL ba halo atuasaun, iha komunidade balun tuda fali seguransa.

"Horikalan ita-nia membru COE, BOP ho patrolla Task force tama ne'e, sira mós tua hasoru fali, maibé horikalan ita-nia polísia konsege halo tiha intervensaun, ne'ebé hanesan ita-nia PNTL ne'e, ita asegura ema nia segoridade ne’ebé nia manán ema nia para ema bele hakmatek, hodi hala'o ninia moris”, dehan nia ba tempotimor liuhusi telfone, kinta (18/03).

Iha akontesimentu ne'e membru PNTL ida hetan kanek, bainhira halo atuasaun ba konfrontu refere, maibe parte seguransa konsege kaptura ema joven na’in 5 ou 6, hodi supmete ba prosesu investigasaun.

"Sira grupu merkadu laran ne'e ho sira kraik ne'e mak halo asaun ba malu, tuda malu ne'ebé horikalan ita kaptura na'in-5 ka 6 hanesan ne'e, ne'ebé ita halo hela prosesu bá malu”, nia informa

Maske, iha serka sánitaria, maibé ema balun hanoin polísia ne'e robot, ne'ebé sira tuda.

"Sira bele tuda polísia mais misaun ida ami hala'o ne'e, misaun ida ne’ebé impórtante, misaun ne'e sira labele tuda estraga, mais ami ne'ebé mak la'o ne'e la'ós intensaun aat, mais garante seguransa bá ita-nia komúnidade sira mak ita la'o ne'e”, afirma nua.

Kazu ne'e, dadaun parte PNTL Komandu Munisípiu Dili hala'o hela prosesu investigasaun ba sira hirak ne'ebé Kaptura iha akontesimentu. (*)

Rate this item
(1 Vote)
Last modified on Thursday, 18 March 2021 18:11
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter