Login to your account

Username *
Password *
Remember Me

Polísia Militar Reforsa PNTL Prevene Konfrontu GAM iha Dili

Arma branka ne'ebe autoridade seguransa sira prende husi joven balun iha besik Aitarak laran Arma branka ne'ebe autoridade seguransa sira prende husi joven balun iha besik Aitarak laran Foto Suplai

Tempotimor (Dili) - Falintil-Forsa Defeza Timor-Leste (F-FDTL), liuhusi unidade Polisia Militár (PM) reforsa Polísia Nasional Timor-Leste (PNTL), liuhusi komandu Munisípiu Dili, hodi halo prevensaun ba konfrontu entre Grupu Arte Marsial (GAM) sira ne'ebé akontese iha Munisípiu Dili.

Komandante PNTL Munisípiu Dili, Superintendente Henrique da Costa hatete, relasiona ho insidente ne'ebé mosu iha loron 21 fulan-marsu arguidu hamutuk na'in-7 husi organizasaun IKS ne'ebé halo torturasaun hasoru lezada na’in-2 husi grupu arte ritual 77 iha área Marínir, aldeia Beto Tasi, Suku Madohi, Postu Administrativu Dom Aleixu, Munisípiu Dili.

Komandante Henrique dehan, hafoin informasaun espalla iha públiku liuhusi vídeo torturasaun ba lezada na’in-rua ne’e, parte PNTL halo kedan medida prevensaun hodi kaptura mós suspeitu sira, no atividade prevensaun la'o kedan.

"Atividade prevensaun ne'e la'os dehan husi parte PNTL komandu Munisípiu Dili nian de'it, maibé ita involve parte barak, primeiru Unidade Espesial Polisia (UEP), Batallaun Ordém Públika (BOP), Unidade Polisia Marítima (UPM), Comando Operaçăo Especial (COE)”, informa, Henrique iha Kailoli, tersa (23/03).

PNTL Dili mós hetan reforsa seguransa husi Unidade Polísia Fronteira (UPF), no inkliu Falintil-FDTL husi unidade Polísia Militár (PM), nomós ekipa apoiu kuarte jerál no sentru formasaun.

"Ita-nia rekursu sufisiente para hodi halo medida prevensaun ba ida ne'e, e la'os dehan ida ne'e de'it, maibé iha komunikasaun ho ita-nia parte polísia militár nian atu nune'e halo mós movimentu e apoiu karik nesesidade presiza”, dehan nia.(*)

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter