Tanba ne'e, dehan nia hetan Tatto obrigatóriu husi arguidu na'in-7 iha aldeia Beto Tasi, Suku Madohi, Postu Administrativu Dom Aleixu, Munisípiu Dili.

Komandante PNTL Munisípiu Dili, Superintendente Polísia Henrique da Costa hatete, sira la hetan faktu ruma ne'ebé sufisiente ligadu ho informasaun ne'ebé espalla katak, aiguidu sira halo tatto obrigatóriu ba lezada AC nia kakorok.

"Hafoin prosesu invetigasaun ne'ebé hala'o husi investigadór sira iha komandu PNTL Dili, ami la hetan faktu sufisiente hodi hatete katak husi husi parte hirak ne'ebé mak halo detensaun, kapturasaun, ba vítima na'in-rua mak halo tatto, ita hatene kuandu tatto ninia fitar ne'e ran, no ita halo identifikasaun katak ida ne'e laloos”, dehan Komandante Henrique ba jornalista sira iha nia kna'ar fatin Kaikoli, tersa (23/03).

Maske nune'e, prosesu investigasaun ba kazu ne'e, sei iha nia kontinua nafatin, bainhira remata ona mak foin bele hatene loloos.

Molok ne'e lezada AC deklara katak tatto ne'ebé hakerek iha nia kakorok dehan, "Anti PNTL, FDTL, BOP", ne'e halo obrigatóriu husi suspeitu na'in-7 durante halo torturasaun ba sira na'in-rua iha aldeia Beto Tasi, Suku Madohi, Postu Administrativu Dom Aleixo, Mmunisípiu Dili.

Entretantu, lezadu total na'in-2 ne'e ho inisial AC ho AD, no rguidu hamutuk na'in-7 mak hanesan DDJ, AS, JG, JODC, CM, ALBDC, MS.(*)