Maske, Lere iha planu ba rekrutamentu ida ne'e uluk 600 maibé tanba de’it orsamentu no pandemia Covid-19 mak hovernu bele deside hamenus.
“Rekrutamentu F-FDTL, tanba Covid-19 ne’e, Governu labele kumpri nia planu ne’ebé que ha’u propoin ba sira. Liuliu rekreutamentu ba tinan ida ne’e, ha’u hakarak ne’e 600, mais tanba orsamentu, Covid, ho buat sira ne’e mak dala ruma reduz ba 300. Bele hahú iha fulan-abril ou maiu ho 300 efetivu kandidatu sira ne’ebé engresa ba forsa armada”, dehan Lere hafoin enkontru ho Prezidente Repúblika iha Palásiu Prezidensial Bairru Pité, kuarta (24/03).
Rekrutamentu ne’e bele hahú iha tinan 2021 nia laran, tanba iha fulan hirak liuba seidauk bele halo rekrutamentu, tanba iha problem ekipamentu balun.
“300 ne'e garantidu ona tanba iha momentu ne'eba ne'e so problemas mak kona-ba fardamentu, kilat maibé buat sira ne'e hotu ba kandidatus 300 iha hotu ona", relata Lere.
Ho hanoin rekrutamentu ba 600 mós bele, maibé tanba de’it orsamentu governu nian taun 300 efeitu ne'e garantidu ho orsamentu ne’ebé kolokadu.
"Orsamentu kolokadu ona tanba orsamentu ba mill U$200 ne'e kolokadu tia ona husi orasamentu ba 2021 ne'e iha tia ona ba rekrutamentu mais porque buat sira ne'e hotu desizaun politika sei rekruta 300, ita haree took iha tinan Ida ne'e nia laran”, haktenik Lere.(*)
