Diretór SIJK Brigadeiro Jeneral, João Miranda ‘Aluk’ husu ba líder nasional atubele koopera hodi implementa medida sira ho di’ak.

“Ho respeitu ba ami-nia líder no ami husu Maun (boot) atu kolabora, apoiu hodi implementa medida sira ne’e”, deklara Brigadeiru Aluk iha Centru Convensaun Dili (CCD), segunda (12/04).

Husu ba família atu koopera ho institusaun estadu, atubele halo tuir regra protokolu ne'ebé mak Ministériu Saúde (MS) koordenasaun ho organizasaun mundial Saúde (OMS) atu di’ak ba nasaun.

“Dala ida tan ami husi sala situasaun no ha’u rasik hanesa segundu Komandante operasional, ha’u apela ba hothotu nomós ba ami-nia Maun (Bo'ot), no líder istóriku, ita hotuhotu apoiu Ministériu Saúde atu evita alarga vírus ida ne’e”, nia afirma.

Tanba ne’e parte seguransa nia ne'ebé mak SIJK reponsabiliza, husu tan dala bele koopera ho institusaun estadu hodi evita moras ida-ne'e ema seluk,

“Ita buka koopera malu atu ita bele livre husi moras virus corona ida ne'e, ha’u hanoin ida-ne'e mak ha’u hakarak fó sai, obrigadu barak. Depois konferensia ida-ne'e ami sei organiza sei ba foti sai mate isin atu tau iha mortuáriu atu lori ba metinaro, fatin espesifiku ne'ebé mak governu liuhusi MS hatudu no ita hakoi ona pasiénte ida iha ne'ebá e pasiénte ida segundu ne'e mós ita tenke lori ba hakoi iha ne'ebá”, dehan nia

Dadaun ne'e, Brigadeiru Aluk halo negosiasaun ho Líder Nasional Xanana Gusmão relasiona ho pro kontra hakoi matebian nia isin iha semitériu ne'ebé prepaid iha Metinaro, maibé sei hein rezultadu ikus hodi hodi hakoi.

Husi observasaun www.tempotimor.com iha terenu, komunidade inklui família sira ne’ebé halo asaun no hakilar maka’as liután hodi deside tama ba fatin izolamentu hodi kansela Matebian ba halot iha simtériu Covid-19 Metinaro-Dili.(*)