Login to your account

Username *
Password *
Remember Me

Lere ‘Defende’ Forsa Baku Sidadaun

Xefe Estadu Maior Jeneral Falintil-FDTL, Tenente Jeneral Lere Anan Timur, Ko'alia ba Jornalista sira hafoin hasoru malu ho Prezidente da Republika, Dr. Francisco Guterres Lu Olo iha palasiu Prezidensial, Bairro Pite Dili, Kuarta (21/4) Xefe Estadu Maior Jeneral Falintil-FDTL, Tenente Jeneral Lere Anan Timur, Ko'alia ba Jornalista sira hafoin hasoru malu ho Prezidente da Republika, Dr. Francisco Guterres Lu Olo iha palasiu Prezidensial, Bairro Pite Dili, Kuarta (21/4) Foto Midia PR

Tempotimor (Dili) - Xefe Estadu Maior Jeneral Falintil-FDTL, Tenente Jeneral Lere Anan Timur defende autoridade seguransa no defeza bainhira halo asaun fiziku (baku) hasoru sidadaun sira ne'ebe deskonfia ulun tos.

Relasiona ho atuasaun ne’ebé halo husi autoridade seguransa no defeza hasoru estudante sira iha Postu Administrativu Suai, Munisípiu Covalima, sábadu (17/04), bainhira ekipa saúde atu tula estudante ne’ebé pozitivu ba Covid-19 baze rezultadu teste Swab.

Tanba ne’e, husu ba joven hotu atu labele provoka seguransa Falintil-FDTL no PNTL. Bainhira provoka parte seguransa sei atua.

Asaun fiziku ne’ebé hala’o husi membru FDTL no PNTL konsidera sala. Maibé tanba saída mak bele akontese.

“Ita labele provoka. Lalika provoka, ha’u hatete bebeik ema hala’o nia-kna’ar. Ita kuandu hala’o pasensia, ne’e la’ós sira ne’e baku tanba sira bulak. Baku tanba nesesidade duni. Agora ha’u haruka ona komandu tenke haruka relatóriu atu estuda no analiza se nia sala ka nesesidade iha razaun entaun baku. Porque ita dehan baku ne'e la’ós sala hotu, baku dá-la ruma ita iha razaun”, dehan Lere iha Palásiu Prezidensial Nicolao Lobato Bairupite Dili, Kuarta (21/04).

Ho situasaun atual hanesan Covid-19 no dezastre naturál ema hotu sai vítima maibé PNTL no F-FDTL sakrifika-an liu tanba husik família hodi servisu nasaun.

“Ha’u hanoin katak FDTLho PNTL mós iha prekupa ho nia moris família, nia interese ba servi estadu e governu, ita mós tenke komprende labele loron no kalan fó sala de’it”, dehan Lere.

Maibé joven sira presiza kalabora ho governu no parte seguransa hodi hasoru situasaun ne'ebé dadaun ne'e Timor-Leste enfrenta.

Nune’e, nia husu ba joven sira ne'ebé lafiar Covid-19 iha Suai ho Same atu hato'o ba Governu atu nune'e membru Falintil-FDTL sira bele fila halo servisu de’it iha institusaun laran. (*)

Rate this item
(4 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter