Aban, PNTL Sei Blokeia Estrada Públiku Ba Adeptu Taxa Euro

Lider Krismatiku Kay Rala Xanana Gusmăo iha hela kareta leten ho bandeira portugal halo komboiu iha dili laran momentu balun liu-ba. Lider Krismatiku Kay Rala Xanana Gusmăo iha hela kareta leten ho bandeira portugal halo komboiu iha dili laran momentu balun liu-ba. Foto Suplay

Tempotimor (Dili)-Polísia Nasionál Timor-Leste (PNTL), liuhusi Departamentu Tránzitu Nasionál Seguransa Rodoviária, deside aban loron sábadu (20/06) sei blokeia estrada públiku sira kapitál Dili laran hodi evita adeptu nasaun sira ne’ebé partisipa jogu iha taxa Euro 2021 labele halo movimentu.

Haree ba jogu entre nasaun Europa sira iha faze dahuluk Portugal kontra Hungaria, adeputu husi nasaun Portugal ne’ebé domina iha Timor-Leste hodi okupa estrada públiku, mak PNTL deside hodi avita iha jogu daruak nian Portugal kontra Alemaña iha loron domingu (20/06) madrugda.

“Komandu munisípiu Dili, hamutuk ho departamentu tránzitu seguransa rodaviáriu kuartel ninian, ami sei koloka Check Point iha pontu barak, e depois pelu apoiu husi unidade sira seluk, seksaun sira seluk, para aban kalan (19/06), ami hothotu sei blokeia dalan sira ne'ebé mak konsidera movimentu as, nune'e bele limita movimentu sira ne'ebé mak laiha nesesáriu, e obriga ema tenke kumpri lei ne'ebé mak iha ona”, deklara Xefe Departamentu Tránzitu Nasional Seguransa Rodoviária, Superintendente Polísia, Joăo Belo, iha Komandu Jerál Kaikoli, sesta (18/06).

Tanba ne’e, husu ba juventude ho motorista sira ne'ebé sai adeptu ba nasaun ruma, tenke kumpri lei seguransa rodaviária nian, lori motorizada tuir rekézitu hodi uza kapasete, respeita ema seluk nia movimentu bainhira la'o iha estrada públiku.

Iha artigu 8 husi lei kódigu estrada hatete, bainhira halo manifestasaun ka uza dalan públiku ba grupu, tenke iha autorizasaun, tenke iha lisensa hafoin autoriza mak sira halo, maibé laiha, polísia tenke halo atuasaun.

“Tenke tuir mós, kumpri mós sinál sira ne'ebé mak marka ona iha ne'ebá, puré-zemplu, labele kontra jalur, labele para iha kruzamentu, sira ne'e tenke kumpri”, dehan nia.

Aleinde ne'e, iha artigu 74 kona-ba lei kódigu estrada nian mós regula kona-ba motorizada sira tenke uza kanu estandar, labele kanu-resin.

“Bainhira sai husi bairu ida, ita uza kanu-resin, ema sira ne'ebé mak oan nurak, moras, ema sira ne'ebé mak halarak deskansa, ita viola tiha sira-nia direitu. Tanba ne'e mak PNTL liliu tránzitu, la autoriza motorista sira uza kanu-resin halo movimentu iha estrada públiku”, esplika nia. (*)

Rate this item
(0 votes)
Last modified on Friday, 18 June 2021 17:28
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« July 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter