“Ko'alia liu kona-ba agora dadauk ne'e foku oituan ba rekrutamentu, rekrutamentu ha'u hanoin faze apurasaun 2.400 kandidatu e agora ita halo hela teste psikosomatiku psikofiziku atu hetan 600 hosi 2.400 ne'e”, dehan Ministru Filomeno iha Palásiu Prezidénsia Aitarak Laran, Bairopite, tersa (21/06).

Teste sira ne'e hala’o iha rekursu kestaun ne'ebé la'o di'ak tantu iha rekursu umanu komu rekursu lojistiku buat hotu la'o di'ak, espera iha fulan-juñu bele remata prosesu apuramentu ba mebru F-FDTL foun na’in 600.

“Durante ne'e Tenente Jenerál Lere mós kestiona kona-ba fardamentu ne'e loos tanba iha prosesu hela maibé prosesu ne'e remata antes de fulan-augostu molok komesa ita atu rekrutamentu, ne'ebé tantu iha farda ekipamentu arma ka monisões hothotu iha kuaze iha prosesu fin hotu ona”, informa nia.

Maibé governu garante sei rezolve tanba iha hotu bazet molok iha bazet 20 no bazet 21 nian.

“Teknikamente ha'u laiha dadus mas ha'u hatene dehan kuaze 10.000 ital 30.000 ka 40.000 mil ita apura de'it 2.400, agora husi 2.400 ita apura fali 600 atu simu iha Metinaro”, hatete nia.

Partikularmente ba rekrutamentu pozitivu tebes Prezidente Repúblika bolu atensaun ba haree prosesu tenke la'o di'ak tantu iha aspetu lojistiku liliu saúde atu prosesu ne'e la'o di'ak.

“Hanoin mós naruk ba lei programasaun militár no lei infraestrutura katak ita labele planeia de'it ba tinan ida hotu ita planeia ba tinan 10 husi 2020 to’o 2030”, dehan nia. (*)