“Mas tuir loloos, kolega parte intituisaun PSIK kontaktu para ita bele junta kazu ne'e para hodi lalais haruka ba (komandu) munisípius. Mai rona dehan haruka ona ba, halo rasik partisipasaun haruka ona ba ministériu públiku, laiha buat ida”, dehan Komandante Tránzitu Munisípiu Dili, Inspetór Polísia, Domingos Sarmento Gama iha Kaikoli, kuarta (30/06).
Maibe, problema oituan mak PSIK la tun ba fatin asidente ne’ebé laiha evidénsia ruma forte atu halo partisipasaun ba kazu asidente ne'e.
“Ha'u hanoin imposivél. Ne'e hatudu ita-nia fallansus boot ou lamenta ba hatudu lakon konfiansa ba ita-nia komunidade sira tanba komunidade sira-nia ema mate, sira lakon ona sira-nia ema, maibé sira-nia esperansa dehan katak ami lakon ona ema, lakon tan dala ida atu lakon justisa. Ida ne'e mak problema boot”, afirma nia.
Maske prosesu la'o hela ba futuru labele akontese tan, tanba akontese ne'e, bele fó fatin ba komunidade ne'e krítiku.
“Mais afinal la’e, ita laiha intensaun ruma, ita prontu 24 oras de tempu atu atende problema sidadaun sira hasoru”, deklara nia.
Bainhira akonttesimentu foin mosu, PNTL Tránzitu Munisípiu Dili simu duni kontatu husi ekipa servisu informasaun, maibé to'o iha fatin suspeitu halai lakon ona.
Maibé liu tiha oras balu, suspeitu fila ba entrega-an iha Polísia Siénfitika Investigasaun Kriminál (PSIK) no halo detensaun durante oras 72 nia laran, deside fó liberdade totál ba suspeitu. (*)