Login to your account

Username *
Password *
Remember Me

PNTL Instala Postu Seguransa Iha Fronteira Entre Aileu no Dili

Komandante Jerál PNTL, Komisáriu Polísia, Faustino da Costa tesi hela fita hodi inaugura Postu Seguransa Polísia nian iha área Kasnafar, Aldeia Khunsing, Suku Bokolelo, Postu Administrativu Laulara, Munisipiu Aileu, sesta (20/07). Komandante Jerál PNTL, Komisáriu Polísia, Faustino da Costa tesi hela fita hodi inaugura Postu Seguransa Polísia nian iha área Kasnafar, Aldeia Khunsing, Suku Bokolelo, Postu Administrativu Laulara, Munisipiu Aileu, sesta (20/07). Foto Tempo Timor

Tempotimor (Dili)-Komandu Polísia Nasionál Timor-Leste (PNTL), instala postu seguransa polísia ida iha Aldeia Kungshing, Suku Bokolelo, Postu Administrativu Laulara, Munisípiu Aileu hodi haforsa servisu kontrolu seguransa ba sidadaun sira iha fronteira entre kapitál Dili ho munisípiu Aileu.

Komandante PNTL Munisípiu Aileu, Superintendente Polísia, Jorge Monteiru, iha inaugurasaun Postu Polísia iha área Kasnafar, Aldeia Kungshing, Suku Bokolelo, Postu Administrativu Laulara, Munisipiu Aileu, hatete konstrusaun postu seguransa ne'e, konstrui husi Komandu PNTL Munisípiu Aileu, no tuir planu, postu ne'e rasik sei sai postu permanente hodi halo kontrolu ba sidadaun sira ne'ebé komete krime ruma nomós komete infrasaun ruma hasoru lei kódigu estrada nian.

Tanba objetivu prinsipal husi komandu PNTL munisípiu Aileu ba konstrusaun seguransa permanente komandu PNTL munisípiu iha Suku Bokolelo, Aldeia Khungsing atu hakberik-an ba komunidade.

“Atu hakbesik instituisaun PNTL ho nia membru sira ba komunidade, haktuir filozófia prinsipal instituisaun PNTL nian, polisiamentu komunitária hodi bele serví no proteze komunidade iha aspeitu seguransa interna ho efetivu no efisiente”, dehan Jorge Monteiru, sesta (02/07).

Liuhusi postu ne'e, atu asegura komunikasaun, no partisipasaun másmu ho efetivu husi komunidade tomak iha aspeitu prevensaun kríme ordináriu sira no konflitu komunitáriu sira hodi kria estabilidade seguransa ne'ebé iha dame, ba hametin paz no trankuilidade iha komunidade nia leet.

Ho ida ne’e, bele sai hanesan postu sentru de atendimentu seguransa PNTL nian ba komunidade siran, en-espesifiku iha suku 4 ne'ebé besik malu iha aspeitu jeográfia anesam Fatisi, Bokolelo, Madabeno, Tohumeta, nomós Suku viziñu husi Munisipiu Dili, hanesan Komoro, Manleuana.

Nune’e mós suku husi Munisipiu Ermera hanesan Samalete parte Ermera nian, inklui suku husi Munisipiu Likisá liliu Suku Tibar.

Komandante Jerál PNTL, Komisáriu Polísia, Faustino da Costa hatete, komandu PNTL sei kompleta mós matérial importante seluk liliu halo instalasaun ba kámera vizilánsia hodi halo kontrolu ba sidadaun sira ne'ebé ultrapasa ba mai kapitál Dili ho Munisípiu sira, karik iha asaun ruma ne'ebé mosu membru sira la konsege haree.

“Hanesan ohin ha'u halo intervensaun, hau hato'o tiha ba sira na’in hirak ne'ebé ohin la’o mai ho ha'u, atu parte administrasaun presiza haree kompleta. Por ezemplo, sé ita ko’alia kona-ba eletrisidade ne'e, agora sei latan hela iha rai, e seidauk ko’alia tan buat selseluk ne’ebé futuru mós iha fatin ne'e ita haree katak iha fatin ne'e iha rede, e komandu PNTL mós sei koloka mós kámera CCTV ne'e, hodi halo vizilánsia”, afirma nia.

Postu Polísia refere, konstrui ho finansiamentu husi komandu PNTL Munisípiu Aileu, durante fulan rua nia laran, ne'ebé kompleta ho Sala ida ho kuartu ba deskansa rua, inklui dapur ida ho hariis fatin.

Entretantu, totál membru ne'ebé dadaun ne'e hala'o hela seguransa iha ne'e, hamutuk membru na'in-20, maibé banhira situasaun normaliza, sei halo redusaun ba membru na'in-ulau. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter