"Sidadaun sira ne'e deskonfia nu'udár membru husi Grupu Arte Marsias (GAM) balun ne'ebé atu ba sa'e sintu iha Atambua, Indonézia. Hafoin sidadaun sira ne'e deporta mai Timor-Leste, sidadaun hirak ne'e submete kedan ba kuerantena durante loron 14 tuir protokolu Ministériu Saúde nian. Maibé ohin (26/07) Servisu Migrasaun hahú ona loke prosesu investigasaun ba sidadaun hirak ne'e tanba dezobediénsia ba ordém públiku", informa Vise Ministru Interior (MI), António Armindo, iha Vilaverde, segunda (26/07).
Hafoin prosesu investigasaun, parte servisu migrasaun sei aplika mós multa ba sidadaun na’in-14 ne'e, tuir Dekretu Governu númeru 18/2021, (artigu 7) ho montante US$30 to'o US$250, tanba dezobideliénsia ba ordém públiku ba estadu emerjelénsia ne'ebelé mak dekreta husi Presidente Republika.
"Depois aplika ida ne'e sira mós sei submete nafatin ba investigasaun, ohin ita ko'alia ona ho segundu Komandante Jerál PNTL atu hahú halo ona investigasaun lorokraik ne'e", dehan nia.
Bainhira investigasaun husi Servisu Migrasaun hotu, kazu ne'e sei submete ba PNTL hodi Kontinua investigasaun ba sidadaun timoroan na'in-14.
"Ita hanoin ne'e seriu, no gráve kontra mós prinsípiu soberania, ita hanoin atu aplika koimas ne’ebé mak máximu ba sira”, afirma nia. (*)