Login to your account

Username *
Password *
Remember Me

SIKN Kaptura Suspeitu Na'in-4 Ba Kazu Oho Hilário Fitalício Iha Delta-3

Tempotimor (Dili)-Polísia Nasionál Timor-Leste (PNTL) liuhusi Servisu Investigasaun Kriminal Nasionál (SIKN) kaptura suspeitu hamutuk na'in-4 ba kazu oho joven Hilário Fitalício Soares, ne'ebé akontese iha área Delta-3, Suku Komoro, Postu Administrativu Dom Aleixo, Munisípiu Dili.

“Relasiona ho kazu refere, iha data 23 de jullu 2021, Servisu Investigasaun Kriminal Nasional (SIKN), simu mandadu detensaun husi tribunál Dili ho númeru nuk 0155/21 PNSIK.

Tanba ne'e iha dia 27 jullu 2021, maizoumenus oras tuku 08:00 otl, husi servisu investigasaun kriminal Nasional, ezekuta mandadu detensaun ho nuk.0155/21PNSIK hodi kaptura suspeitu na'in-4 ne'ebé mak komete kazu omesídiu, e agora dadaun detein hela iha sela PNTL Munisípiu Dili, hodi hein aprezenta ba Tribunál Distritál Dili, hodi submete ba primeiru interrógatóriu”, informa Portavóz Komandu Jerál PNTL, Superintendente Polísia, Arnaldo de Araújo, iha sala SIKN, Kaikoli, segunsa (26/07).

Suspeitu na'in-4 ne'e, ho naran inisial hanesan, JCP, JS, MSC ho ENCP, ne'ebé mak PNTL deskonfia envolve iha kazu refere.

Kazu insidente omesídiu ne'e mosu iha loron sesta (09/07/2021), maizoumenus tuku 00:45 otl, iha área Fomentu, Aldeia Delta-3, Suku Komoro, Postu Administrativu Dom Aleixo, Munisípiu Dili, ne'ebé rezulta vítima ida mate iha fatin referidu, ho identidade Hilário Vitalíçio Soares.

Enkuantu, Hilário Vitalíçio Soares, oras ne'e nia isin mate, família lori ona ba hakoi iha nia moris fatin, Postu Administrativu Luro, Munisípiu Lautein. (*)

Rate this item
(0 votes)
Last modified on Monday, 26 July 2021 17:24
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter