PNTL Sei Detein Sidadaun Fasilita Kartaun Vasina

Ministra Saude, Odete Maria Freitas Belo simu vasina AstraZeneca bainhira halo lansamentu dahuluk iha Timor-Leste. Ministra Saude, Odete Maria Freitas Belo simu vasina AstraZeneca bainhira halo lansamentu dahuluk iha Timor-Leste. Foto Ofisial

Tempotimor (Dili)-Komandante Jerál Polísia Nasionál Timor-Leste (PNTL), Komisariu Faustino da Costa deklara, PNTL detein sidadaun ne'ebé fasilita kartaun vasina hodi halo viajen ba munisípiu no mai kapitál Dili.

“Sira ne'ebé partisipa ona vasina nafatin halo ita-boot sira-nia atividade, maibé la bele fasilita ema ne'ebé la vasina fó fali imi-nia kartaun, ami kaer ema ne'ebé lori imi-nia kartaun nia-ami ditein, imi ida fó kartaun mós ami detein hotu”, dehan Faustino hafoin reuniaun ho Prezidente Repúblika, Francisco Guterres 'Lú Olo', iha palásiu prezidensiál Bairopite, kinta (29/07).

Tanba kazu ne'e akontese barak ona, satan sira ne'ebé tenta falsifika rezultadu teste swab ba ema ne'ebé nunka ba teste, PNTL sei detein hotu iha sela ida.

“Ita tenke konsente katak moras ne'e risku, variante sira ne'ebé ohin loron ita-boot sira hatene no husi nasaun seluk mós deteta tan variante seluk, ha'u la hatene ita-boot sira akompaña kala’e entaun ita lakoi buat sira ne'e atu mosu”, informa nia.

Nune'e iha semana katuk falsifikasaun mosu hanesan primeiru mak produz ida ne'ebé modelu hanesan Biliti Identidade (BI) mais ne'e ilegál husi diretór kompaña balun ne'ebé PNTL prosesu ona, falsifikasaun segundu, mak halo kartaun kinur falsu no kontinua ho ida ne'ebé mak vasina kompletu fó nia kartaun ba ema seluk no terseiru mak la ba tuir swab mais kopi ema seluk nia swab tau nia naran.

Tanba ne’e, númeru fiksu iha semana ida nia laran ema na'in-7 mak to'o iha loron 26 fulan-jullu no kona-ba sansaun ne'e la'ós kompeténsia iha komandu nian tanba PNTL investiga, ne'e prosesu justisa. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

Tempo Timor Networks

Online Counter