Tanba akontesimentu Tiru sidadaun ne'e iha loron sesta (30/07), TNI na’in-rua no membru polísia na’in-ida hamutuk ho komunidade sira asaltu malu no sunu uma baraka no estragu sasán husi kompaña Sister Motor no tiru kanek traballadór timoroan ida ne’ebé servisu iha kompaña refere.
“Ha’u hanoin ita-nia governu liliu razaun interna ne'e tenke haree asuntu ida ne'e, tanba ita iha hela kooperasaun ka lae, ne'ebé ha’u hanoin governu liliu ministériu konpetente, tenke buka dalan para rezolve problema ne'e, porque ita lahatene se mak sala no se mak los ne'e”, dehan nia iha PN, segunda (02/08).
Sulousaun ba problema ne'e, konpeténsia Ministériu Interior ho Ministériu Negosiu Estranjeiru no Kooperasaun (MNEK) atu koordena oinsé bele rezolve.
Tanba depende ba prosesu protokolu no koperesaun entre estadu rua ne'e koalia ba malu, oinsa mak sidadaun labele fornese problema sira hanesan ne'e ho publikamente.
“Ita seidauk hatene se mak sala, se mak los, ne'ebe ita-nia governu nia konpeténsia, sira buka dalan para rezolve tiha, para labele mosu tan problema foun, ne'e ha’u ko’alia sidadaun fali ona”, afirma nia. (*)