Login to your account

Username *
Password *
Remember Me

Governu Konsidera ‘Tiru’ Sidadaun Ilegál iha Fronteira Depende Ameasa

Vise Ministru Interior (MI), António Armindo. Vise Ministru Interior (MI), António Armindo. Foto Suplay

Tempotimor (Dili)-Governu liuhusi Vise Ministru Interior (MI), António Armindo konsidera, atu tiru tohar sidadaun sira ne'ebé hakat fronteira terrestre ho ilegál, presiza haree risku no grau ameasa.

“Kona-ba tiru ka la tiru ne'e, konforme nível ameasa ne'e. Mais agora sé nia mai liman mamuk, nia mós sidadaun timoroan, ha'u hanoin atu tiru ne'e, ba ha'u atu komentáriu ida ne'e, ba ha'u hanoin ha'u seidauk fó komentáriu dehan katak bele ka labele, mais hothotu atu tiru ka la tiru ne'e bazeia ba risku, bazeia nível ameasas”, dehan António Armindo, hafoin relata situasaun seguransa iha liña fronteita ba Primeiru Ministru, Taur Matan Ruak, iha Farol, tersa (10/08).

Bainhira atu foti medida ida rogorózu, tenke haree ba lei, tanba Polísia hanesan parte instituisaun ne'ebé fó seguransa nomós halo kapturasaun, hafoin lori ba entrega iha Ministériu Públiku.

Tanba ne'e, atu aplika lei ho rigór ba sidadaun sira ne'e, proesu hotu kona-ba investigasaun ninian, iha Ministériu Públiku nia kompeténsia.

“Sé nia liman mamuk, nível ameasa ne'e laiha, ita hatene estadu emerjénsia. Mais ha'u hanoin katak ne'e labele tiru. Sé tiru kuandu ita-nia membru ruma nia vida ne'e ameasa, sé sira mai lori buat kroat. Keta nia membru sira hatete dehan katak, hatun nia la hatun, nia hakat mai dehan, to'o ona, prontu, meius ida tenke obriga para halo ema ida ne'e tenke obedese ba iha regra ne'ebé mak tenke impoen”, dehan nia.

Tuir dekretu lei 19/2021, artigu 7 kona-ba sansaun ba sira ne'ebé viola regra estadu emerjénsia no serka sanitária, sei multa ka koima hahú husi US$30 to'o US$250.

“Sansaun ne'e, ida tanba ohin ita ko’alia hela dehan katak, sé ema ne'ebé dezobediénsia durante tempu estadu emerjénsia, pelumenus ita kaer, ita halo investigasaun, ita lori ba prizaun preventiva, depois mak ita halo julgamentu nia loos ka sala, mais ita mós hahú ho aplika koimas”, esplika nia.

Antes ne'e, iha fulan-juñu tinan 2021 ne'e, autoridade imigrasaun Indonézia kaptura uluk ona sidadaun timoroan hamutuk na'in-14, iha loron 7 to'o 9 fulan-agostu ne'e, BOP ho COE kaer tan ema na'in-19, inklui na'in-113 Polísia Indonézia kaptura iha Atambua, Belu.

Nune'e, sura husi fulan-juñu mai to'o loron 10 fulan-agostu ne'e, sidadaun hamutuk ona ema na'in-146 mak autoridade seguransa husi nasaun Timor-Leste ho Repúblika Indonézia kaptura ona. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter