"Ita bele haree katak, iha ne'ebá, maiória iha fronteira ne'e ita hatene katak, ita-nia postu ne'ebé mak ita tau, natoon. Ita-nia membru ne'ebé mak ita halo kololasaun iha ne'eba, natoon, depois mós distánsia husi postu ida ba postu ida, ne'ebé mak naruk tebtebes. Ita mós limitasaun ekipamentus ne'ebé mak iha, entaun ita labele kobre ho sein pursenru (100%). Tanba ne'e mak dala-barak, ema barak ultrapassa husi frontera ne'e", dehan Komandante Operasaun Nasional, Pedro Belo, hafoin sorumutuk avaliasaun seguransa iha Sentru Formasaun Polísia (CFP),  Komoro, kuarta (25/08).

Maibé importante UPF iha fronteira, serbisu ho kondisaun saida de'it, no sempre firme atu serbisu. Maske frakeza ne'ebé mak hatudu hanesan distánsia entre postu sira dook.

"Agora, postu ida ne'ebé mak ema limitadu, ema la'o to'o kilometru 12, to'o 15 no to'o 24 ne'ebé mak dook tebtebes, ho nia ekipamentu, transporte ne'ebé mak ho limitadu, oinsá mak nia bele kontrola totál", afirma nia.

Tanba ne'e, husu ema hotu nia kontribuisaun atu haree hamutuk kestaun seguransa iha lutu fronteira, liliu parte polítika sira, tanba UPF mesak, susar atu rezolve sitiasaun hotu.

"Kestaun fronteira, la'ós de'it polísia mak bele asegura. Ami so asegura kuandu iha ona kondisaun ne'ebé mak husi parte kompeténsia bele fó. Ha'u hanoin, katak Sua exelensia komadante jerál hato'o ona relatóriu, ha'u hein katak la'ós agora, parese tempu tuir mai bele rezolve ida ne'e", dehan nia. (*)