Segundu Komadante Polísia Nasionál Timor-Leste (PNTL), Munsípiu Dili, Superentendente João Sancho Pires hatete, sira fahe ba ekipa haat hodi halo sensibilizasaun ba sira ne'ebé mak uza karreta no motorizada iha Dili laran tenke ba hola nesidade urjente mak sai.

"Aproveita mós ita halo kedan Munsípiu Dili, Superentendente João Sancho Pires ba motorizada sira ne'ebé mak laiha espellu, laiha xapa matríkula kompletu ne'ebé mak halo movimentu ba mai iha Kapitál Dili", dehan nia iha Rotunda Nicolau Lobato Komoro, segunda (30/08).

Tanba liuhusi chek point ne'e mós halo sosializasuan kona-ba Komfinamentu Domisiliáriu Jerál ne'ebé aplikasaun iha Munisípiu Díli.

"Iha Chek point ne'e, PNTL mós halo sosializa ba Konfinamentu Obrigadu nia, hodi fó informasaun ba sidadaun sira ne'ebé mak halo movimentu ba mai, tenke uza máskara no distansiamentu sosiál inklui mós tenke sai ba hola nesesidade urjente ruma", afirma nia.

Ba sira ne'ebé mak sai la ho nesesidade PNTL autoriza hodi sira sai ba sira ne'ebé mak laiha haruka hakmatek, tanba PNTL halo orientasaun tuir rezolusaun Governu kona-ba konfinamentu obrigatóriu nian.

PNTL mós halo sensibilizasaun ne'e haruka mós taka hotu loja sira ne'ebé mak la fa'an sasán kona-ba nesesidade ai-hán ne'e, no sira ne'ebé mak fa'an sasán kona-ba konsume ninia bele kontinua loke.

Tuir observasaun www.tempotimor.com iha terenu katak, liuhusi chek point katak sidadaun barak ne'ebé ho motorizada barak mak la uza máskara iha tempu Komfinamentu Obrigatóriu Jerál ne'ebé aplikasaun dadaun. (*)