"Iha dia 29 Agostu, oras 15:30, iha akontesimentu ida ne'ebé mak mosu iha Baukau Triloka, rezulta ema na'in-4 kanek, ida ho inisiál JU, ida ho inisiál B, NF, no no V. Sira ne'e hamosu problema tanba kauza husi alkohol, mak sira baku malu, e iha tempu ne'ebá rezulta ema na'in-4 kanek. Ida hodi katana, e balu na'in-tolu ne'e hetan tuda husi suspeitu ne'ebé mak la kontrola-an tanba alkohol mak domina ona, ikus mai mosu akontesimentu sira hanesan ne'e", informa Portavóz Komandu Jerál PNTL, Superintendente Polisia, Arnaldo de Araújo, iha Kaikoli, tersa (31/08).
Ho isidente ne’e vítima balun balu kanek kma’an filan ona ba uma hodi tuir prosesu no balun ne’ebé kanek todan sei hetan tratamentu iha ospital Baukau.
"Vitima sira ne'e, tuir informasaun husi Komandante Munisipiu, sira ne'ebé kanek todan sei halo hela tratamentu, sira ne'ebé kanek kaman, fila-fali ba uma hodi hein prosesu tuir mai", dehan nia.
Durante insidente, membru Polísia sira iha Komandu PNTL Munisipiu Baukau, to'o kedas iha fatin akontesimentu hodi kaer kedas suspeitu ho naran inisial VFB, hodi detein iha sela detensaun Eskuadra Baukau Villa, hodi hein prosesu investigasaun tuir mai, no sei haruka ba Ministériu Públiku. (*)
