Login to your account

Username *
Password *
Remember Me

PNTL Sei Kontrola Sidadaun Halibur Malu iha Mate Uma

Komandante Operasaun Nasionál PNTL, Superintendente Xefe, Pedro da Costa Belo. Komandante Operasaun Nasionál PNTL, Superintendente Xefe, Pedro da Costa Belo. Foto Suplay

Tempotimor (Dili)-Polísia Nasionál Timor-Leste (PNTL) sei kontrola sidadaun sira ne'ebé halibur malu liu na'in-sanulu (10) iha mate uma, tanba kontra regra implementasaun Konfinamentu Domisiliáriu Jerál (lockdown) iha Munisipiu Dili.

"Kontinua la'o, agora orientasaun ne'e klaru kedas, tuir rezolusaun ne'ebé fó sai katak iha ne'ebá ne'e, ita hatene katak, iha mate uma, ema na'in-sanulu de'it, labele liu ida ne'e. Kuandu liu ida ne'e, sira kontra ona regra, entaun presiza tenke halo identifikasaun ba sira ne'ebé mak hanesan ba halibur malu iha fatin ne'ebé mak rame", dehan Komandante Operasaun Nasionál PNTL, Superintendente Xefe, Pedro da Costa Belo, hafoin halo avaliasaun semanál ba servisu PNTL nian, iha Komandu Jerál Kaikoli, kinta (02/09.

Dadaun ne'e ekipa husi membru PNTL sira la'o nafatin hodi esplika informasaun ba komunidade sira hotu atubele kumpri nafatin regra sira.

Komunidade sira ne'ebé akompaña mate isin ba hakoi iha semitériu sira, tenke la'o tuir rezolusaun ne'ebé fó sai husi Konsellu Ministru.

"Ita hatene katak, iha ne'ebá, rezolusaun hatete, na'in sanulu (10). Sé sira ba atu asiste karik, sira tenke ba antes ona iha ne'ebá para tenke iha distansia sosiál, para labele ba hobur hamutuk iha ne'ebá (semitériu)", dehan nia.

Tanba moras ne'e hadaet maka'as no bele akompaña iha Sala Situasaun SIJK (Sentru Integradu Jestaun ba krize) ne'ebé fó sai informasaun lorloron, nia volume sa'e bebeik.

"Moras ne'e maka'as teb-tebes ona, entaun ita hothotu tenke komprende para hodi bele prevene moras ne'e labele hada'et ba ema seluk", hatete nia.

Entretantu, iha loron kuarta (01/09) ne'e, Governu liuhusi reuniaun konsellu ministru, aprova rezolusaun ida ho númeru 115/2021 hodi extende Konfinamentu Domisiliáriu Jerál (lockdown) iha Munisipiu Dilli, ba semana ida tan, sura husi loron kinta (02/09), tuku 00:00 oras madrugada, to'o kinta (09/09) tuku 23:59.

"Ita hatene katak, ita-nia ema ne'ebá mak ita-nia populasaun barak mak hanesan seidauk komprende didi'ak, entaun presiza polísia tenke tama ho ninia maneira ne'ebé mak tama ba atubele fó esplikasaun di'ak hodi nune'e ema hotu bele kumpri", dehan nia. (*)

Rate this item
(0 votes)
Last modified on Thursday, 02 September 2021 15:55
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter