"Totál asidente ne'ebé mak akontese iha fulan-Agostu laran, hamutuk 115 asidente, ne'ebé kauza ema mate na'in-7, ema kanek todan hamutuk 16, e kanek kaman hamutuk 133", informa Xefe Departamentu Tránzitu no Seguransa Rodaviária Nasionál, Superintendente Polísia, João Belo dos Reis, iha Kaurtel Jerál PNTL, Kaikoli, tersa (07/09).
Tanba kauza husi totál asidente trafegu hirak ne'e, kontribuisaun mai husi ema rasik (fatór umanu) ho pursentu 90 (90%).
"Husi ne'e, totál asidente ne'ebé ohin ha'u mensiona, fatór umanu, kontribui ba 90 pursentu. Depois asidente sira ne'e, ami nota katak domina husi motorizada beat maka'as liu hamutuk husi 115, asidente ohin, motorizada beat okupa iha númeru un (1). Ne'e kontribui asidente 56 iha fulan ida ne'e nia laran. Ne'ebé maiória asidente kauza husi motorizada beat", afirma nia. (*)