Login to your account

Username *
Password *
Remember Me

PNTL Sei Haruka Kazu Sidadaun Na'in-117 Kontra Konfinamentu ba MP

Komandante PNTL Munisípiu Dili, Superintendente, Henrique da Costa. Komandante PNTL Munisípiu Dili, Superintendente, Henrique da Costa. Foto Suplay

Tempotimor (Dili)-Polísia Nasionál Timor-Leste (PNTL)\ liuhusi Komandu Munisípiu Dili (KMD) sei haruka kazu sidadaun hamutuk na'in-117 kontra konfinamentu konfinamentu obrigatóriu jerál (lockdown) iha Munisípiu Dili ba Ministériu Públiku (MP).

Tanba sidadaun sira ne'e PNTL kapturadu iha área Manleuana entrega ba MP atubele prosesa tuir lei, tanba hala'o atividade Grupu Arte Marsiál (GAM) ho ilegál.

"Depois de prosesu investigasaun remata, ita sei aprezenta ba iha Ministériu Públiku, atu nune'e hodi deside", dehan Komandante PNTL Munisípiu Dili, Superintendente, Henrique da Costa, iha Komandu Jerál Kaikoli, kuarta (08/09).

Haree ba rezolusaun Governu 119/2021, hodi impoin Konfinamentu Obrigatóriu Jerál iha Munisípiu Dili atu hela iha uma, no bandu halibur malu liu ema na'in-sanulu.

"Mais sira ne'eba halo filafali atividade organizasaun ninian ne'ebé mak kontra rezolusaun refere. Tanba ne'e mak agora ita entrega ona ba parte ita-nia investigasaun Munisípiu Dili nian hodi halo prosesu", dehan nia.

Sidadaun sira ne'e autoridade seguransa no defeza, kaptura iha loron kuarta (08/09), maizumentus tuku rua madrugada, iha área Manleu, Suku Manleuana, Postu Administrativu Dom Aleixo, Munisípiu Dili, bainhira realiza hela eventu rituál arte marsiál nian.

Bainhira husu kona-ba atu ne'ebé sidadaun sira komete karik, viola mós rezolusaun Governu númeru 15/2017, kona-ba arma branka no bandu atividade marsiál, prosesu kontinuasaun sei la'o, tanba sira mós uza hotu atributu arte marsiál.

Ekipa konjunta sira ne'ebé hala'o kapturasaun ba sidadaun hirak ne'e mai husi Komandu Munisípiu Dili, Eskuadra Dom Aleixo, Unidade Espesiál Polísia (UEP), Unidade Polísia Marítima (UPM), no Falintil-FDTL, reprezenta húsi Polísia Militár (PM). (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter