“F-FDTL atu ba fronteira diariu ka opiniaun la hansan liliu ba líder nasionál sira, maibé hakarak ka lakoi forsas tenke ba fronteira duni, ne'e desizaun Governu ninian, la'ós ho razaun katak Forsas Armadas ba ne'e bele kria konflitu entre instituisaun rua ne'e", dehan Lere hafoin reuniaun ho Prezidente Repúblika, Francisco Guterres 'Lú Olo' iha Palásiu Prezidensiál Bairopité, kuarta (22/09).
Tanba laiha diferensa ida komplemetalidade F-FDTL ho PNTL ne'e kompleta malu, servisu saida mak Polísia halo ninian, no saida mak F-FDTL nian halo ninia servisu, kualkuer lei, liliu lei defeza nasionál konstrateziu lei Defeza nasionál ninia mai husi konstitusaun.
"Konstituisaun defeza externa forsa iha sira-nia liman sen duvida sira tenke ba ne'eba, laiha konflitu entre instituisaun rua ne'e, ha'u fiar katak laiha, la'ós atu ba jere fronteira ba halo seguransa, jere ne'e komisaun integradu ida mak sei jere fronteira, sira ne'ebé komentáriu ne'e mós tenke hanoin didi’ak ida ne'e", hatete Lere.
Maske mosu opiniaun oioin, maibé Governu deside ona tenke tau, kestaun Governu mak tenke kria kondisaun infraestrutura ho transporte no komandante sira hakas liután iha disiplina. (*)