Login to your account

Username *
Password *
Remember Me

Deskonfia Timoroan Na’ok Karau iha Atambua, PNTL Kaptura Na'in-Tolu

PNTL kaptura Sidadaun Timoroan na’in-tolu ne'ebé deskonfia na’ok karau iha Atambua-Indonézia. PNTL kaptura Sidadaun Timoroan na’in-tolu ne'ebé deskonfia na’ok karau iha Atambua-Indonézia. Foto Suplay

Tempotimor (Díli)-Polísia Nasionál Timor-Leste (PNTL) kaptura sidadaun na’in-tolu ne’ebé deskonfia na’ok karau iha Atambua-Indonézia no na’in-5 seluk konsege hala’i.

Komandante Unidade Espesiál Polísia (UEP), Superintendente Xefe Orlando Gomes hatete, kazu na'uk karau ne'e envolve sidadaun timoroan na’in-8 maibé kaptura na’in-tolu no na’in-lima halai.

“Atu informa de’it katak, ohin (25/09) loron ita-nia membru UEP husi COE, BOP reforsa UPF halo patrullamentu hamutuk iha área Mota Soilo, baliza entre Suku Tapo Memo no Suku Saburai, iha Postu Administrativu Maliana identifika suspeitu na’in-8 ne'ebé deskunfia na’ok karau iha Atambua-Indonézia hodi lori mai Timor-Leste, no konsege kaptura na’in-3 inklui evidénsia hanesan karau tali ne'ebé uza hodi lasu karau no daudaun entrega ona iha Komandu PNTL Munisípiu Bobonaro, enkuantu sira na’in-5 seluk konsege halai”, deklara Orlando liuhusi telefone, sábadu (25/09).

Entre sira na’in-8 ne’e iha na’in-3 mak kaptura no asegura iha Komandu PNTL Munisípiu Bobonaro no entrega ona ba ekipa saúde hodi kumpri protokolu saúde nian halo teste restreiu no kumpri kuarentena durante semana rua nia laran.

“Wainhira kazu ne’e rejistu ona iha Ministériu Públiku mak PNTL hein mandadu kapturasaun husi tribunál hodi kaptura sidadaun sira ne’ebé na’ok karau iha Atambua-Indonézia hodi lori mai Timor-Leste tanba sira na’in-5 ne’ebé halai ne’e naran kompletu hotu ona ho evidénsia balu no agora ita sei buka tuir hodi prosesa tuir lei ne'ebé vigor iha ita-nia nasaun”, afirma nia.

Daudaun ne’e membru UEP husi BOP no COE ne’ebe destaka iha fronteira hodi apoiu UPF kontinua halo operasaun hodi kontrola rigorozu liña fronteira nu’udar parte ida hodi halo prevensaun no asegura fronteira sai fatin seguru ba ema hotu.

PNTL halo kapturasaun ba sidadaun timoroan na’in-3 ne’e liuhusi patrulla konjunta iha loron 25 setembru 2021, lidera husi Komandante Pelotaun COE, Inspetór Asistente Mateus Pinto.

Suspeitu na’in-3 ne’e mós hakat Ilegál iha fronteira ho intensaun ba na’ok Karau iha Atambua-Indonézia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter