"Sira ne'e la'ós na'in-5, na'in-8 karik, tanba balu feto, e feto ida ne'ebé estadu (isin rua), ita konta dehan na'in-8. Na'in-8 tenke iha nia substituisaun, sempre kompleta 600 ne'e”, informa Xefe Estadu Maior Falintil-FDTL, Tenente Jenerál Lere Anan Timur, iha kuartel jenerál Fatuhada, segunda (27/09).

Kadetes foun na’in-8 ne’e, Komandu Falintil-FDTL deside hasai, tanba balu envolve iha Grupu Arte Marsiál (GAM), balu hetan moras, balu la aprezenta-an tuir oráriu, no ikus liu feto ida mak rezultadu teste ba urinária, hatudu kondisaun gráve (isin-rua ka ho ona estadu).

"La tama ne'e, tanba balu la mai, balu arte marsiál, mas kritéria ida mak dehan katak, ita tenke sinseru não é, mais sira la mai sinseru, sira dehan katak laiha, e depois teste hotu ba tuku malu, baku malu. Kerdijer ke la sinseru. Militár tenke sinseru, sé laiha sinseridade, ita bele dehan katak ita bele komandu bele oinsá mós nunka bele iha susesu iha instituisaun nia laran, tanba ida ne'e. Balu depois de teste balu ba ain naksalak tiha, buat sira ne'e hotu ita labele hein. Rekrutamentu ohin hahú. Sé laiha avansa ida seluk", deklara Lere.

Maske nune'e, kadetes hamutuk na'in-8 ne'ebé Komandu Falintil-FDTL, liuhusi komisaun rekrutamentu hasai, sira ne'ebé rezerva, halo kedas ona substituisaun.

"Ne'e mak sira na'in-8 substituisaun iha, e agora 600 nafatin tama ba inkorporasaun. Substituisaun agora dadauk iha ona", esplika Lere Anan Timur. (*)