Login to your account

Username *
Password *
Remember Me

F-FDTL-TNI Hahú Diskute Kooperasaun Militár iha Área Terrestre

 Xefe Estadu Maior Falintil-FDTL, Brigadeiru Jenerál Calisto Santos ‘Coliati’. Xefe Estadu Maior Falintil-FDTL, Brigadeiru Jenerál Calisto Santos ‘Coliati’. Foto Suplay

Tempotimor (Dili)-Komandu Falintil-Forsa Defeza Timor-Leste (F-FDTL) hamutuk ho Tentara Nasional Indonézia (TNI) hahú diskute kooperasaun militár entre nasaun rua nian iha área terrestre.

"Purtantu, ohin hanesan ita-boot sira haree husi parte ita-nia parseiru Indonézia, purtantu iha ne’e reprezenta husi forsas armadas repúblika militár Indonézia ninian. Iha ne'e ita-nia Koronel Elfim, ita-nia adidu defeza nia iha Timor-Leste, nomós iha ne’e ita-nia adidu Timor-Leste iha Jakarta, señor Tenente Koronel "Sadia". Enkontru ida ohin, ne'e enkontru anual, enkontru bilateral entre Timor-Leste ho TNI e partikularmente ho forsa terrestre  (angkatan darat). Nia objetivu atu ko’alia kona-bá kooperasaun bilateral iha área defeza”, esplika Xefe Estadu Maior Falintil-FDTL, Brigadeiru Jenerál Calisto Santos ‘Coliati’, iha kuartel jenerál Fatuhada, Dili, sesta (08/10).

Área sira ne'ebé atu diskute, primeiru sei ko’alia kona-bá rekursu umanu, atu oinsá husi parte Indonézia nia hanesan Timor-Leste nia parseiru, bele ajuda hodi halo formasaun iha área sira ne’ebé presiza.

"Hanesan iha área infantaria nia, ne'ebé sei prepara ita-nia ofisiál husi parte angkatan darat Timor-Leste ninian, sei mós ba halo formasaun iha Indonézia. Nune'e mós iha área kavalaria. Kavalaria ne'e la'ós uluk avó sira-nian sa'e kuda, mais ida agora ita temi ne'e, defende ita-niaGovernu. Depois tuir fali kona-bá artillaria. Artillaria ne'e ita-boot sira hatene, ita hetan ona ajuda husi parte TNI Indonézia. Ita-nia artillaria 6 ida iha ona Metinaru. Purtantu, ida ne'e mak parte artillaria nian, e ita sei kontinua hamutuk ho TNI atu forma ita-nia militár sira iha área ida ne'e”,  hatete Brigadeiru "Coliati".

Nune’e mós kooperasaun iha área saúde nian, tanba militár partisipa ona iha rai laran, maibé Timor-Leste mós partisipa iha rejiaun ida ne'e, no oinsá mak bele kontribui ida área saúde.

"Purtantu, presiza ita tenke halo preparativu. Tanba ne'e, mak iha ne'e ita-nia parseiru Indonézia prontu atu apoia ita. Depois tuir fali mak, ida atu ko’alia kona-ba fronteira. Oinsá mak Timor-Leste ho TNI (angkatan darat), fó ita-nia forsa terestre, bele koopera hodi bele garante estabilidade iha liña fronteira. Ida ne'e mak objetivu ida ne'ebé ohin atu halo diskusaun ho Indonézia”, dehan nia.

Enkuantu, modelu diskusaun kooperasaun militr entre forsa nasaun rua ne'e, hala'o liuhusi vídeo konferénsia iha auditóriu kuartel jenerál Falintil-FDTL iha Fatuhada, sesta (08/10). (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter