"Sim, ami-nia dezeju akontese mais akontesimentu ne'e dala ida de'it, ne'e para sai husi ne'ebá mak ita fahe fali, pelu menus disiplina komún sira na’in-rua hanesan, maibé sai ba espesialidade labele, maibé rekrtumanentu ba forsa konjuntu ne'e posibilidade 2023”, dehan Filomeno Paixão, ba jornalista sira iha Rezidénsia Primeiru Ministru Taur Matan Ruak, segunda (17/10).
Tanba durante ne'e, mosu entre FALINTIL-Forsa Defeza de Timor-Leste (F-FDTL) no Polísia Nasionál Timor-Leste (PNTL) iha fali kompetisaun nune'e Ministériu sira sei servisu hodi halo rekrutamentu konjuntu.
"Sim rekrutamentu tuir mai ne'e atu hanoin dehan, durante ne'e ita hatene iha tinan 2006 kazu mosu entre forsa rua ne'e asvezes iha hanesan kompetisaun fali iha dezentendimentu agora ita buka oinsá para habadak”, afirma nia.
Ho rekrtumanentu konjuntu ne'e atu asegura fronteira terrestre entre nasaun viziñu Indonézia no Timor-Leste ne'ebé iha tinan 2020 konsege rezista negósiu ilegál sira tama sai iha fronteira ne'e maibé rekrtumanentu konjuntu ne'e hala’o dala ida de'it.
"Maibé iha rekrutamentu ne'e la'ós iha totál, iha tempu balun ne'ebé aprende disiplinas komuns ne'e sira hamutuk, ne'e mak ha'u mai husu orientasaun”, dehan nia. (*)