Print this page

Membru Foun F-FDTL Na'in-1 Halai ‘Subar’ iha Metinaru

By October 20, 2021 4040
Vise Xefe Estadu Maior-Jenerál Forsas Armadas , Major-Jenerál, Domingos Raul "Falur Rate Laek" (los), akopaña husi Xefe Estadu-Maior Forsas Armadas, Brigadeiro-General, Calisto Santos ‘Coliati’ iha Palásiu Prezidente Bairopite, kuarta (20/10). Vise Xefe Estadu Maior-Jenerál Forsas Armadas , Major-Jenerál, Domingos Raul "Falur Rate Laek" (los), akopaña husi Xefe Estadu-Maior Forsas Armadas, Brigadeiro-General, Calisto Santos ‘Coliati’ iha Palásiu Prezidente Bairopite, kuarta (20/10). Foto Tempo Timor

Tempotimor (Dili)-Vise Xefe Estadu Falintil-Forsas Defeza Timor-Leste (F-FDTL), Major-Jenerál, Domingos Raul (Falur Rate Laek) hatete, membru foun F-FDTL na'in-1 halai subar iha Sentru Formasaun Metinaru tanba la aguenta ho instrusaun treinamentu.

"Ida ohin halai sai tan, halai sai tanba la aguenta instrusaun ne'ebé halai lakon ba subar iha ne'ebé, agora imi deteta karik ajuda fó informasaun para ba kaer tiha prosesu ba públiku, para ita transparente liután”, dehan nia hafoin sorumutu ho PR Lú Olo iha Palásiu Prezidente Bairopite, kuarta (20/10).

Ho situasaun iha militar tenke kolen, maibé joven balun fraku la aguenta ho treinu tenke mosu problema sira hanesan ne'e.

"Imi joven hanoin katak militar ne'e fasil, ne'e difísil, susar, ami sira hamrik iha ne'e konkista liu prosesu hira mak to'o iha ne'e, desde ami-nia joventude iha ne'ebá terus, luta ohin loron mak ne'e”, afirma Falur.

Tanba membru foun ne'ebé atu hatais farda la'ós halimar maibé tenke liuhusi sakrifisiiu boot, presiza aguenta, balun la aguenta maibé treinu nafatin.

Enkuantu kaer kadete ne’ebé halai (halai subar)  mak haree posisbilidade ona atu hatama fali rezerva ne'e bele, mais se materia barak mai liu ona nia (kandidatu foun) la bele repete fali materia sira ne'e tanba materia ne'e sistematizadu.

"Mais sira foin tama ne'e tanba sira foin hahú nia instrusaun zero, foin aprende hatais saputu atu forma no la'o oinsá, maibé ida ne'e liu ona faze treinu nia (rezerva) la bele tama ona”, esplika nia.

Antes ne’e, iha membru foun na'in-1 ne'ebé rezigna-an, konsege priense fali ho espesielidade ida atu kontinua priense númeru kadetes. (*)





Rate this item
(3 votes)
Last modified on Wednesday, 20 October 2021 18:51
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items