"Tanba sira-nia servisu ne'e liuhusi protokolu de kooperasaun, nia karatér la hanesan maibé dala ruma ita nunka tama iha sistema sira ne'e, ita dehan hanesan de'it, hadau malu ba servisu. Ida ne'e mak hanesan objetivu prinsipal, tanba kazu ki'ik sira ne'e mak aban bainrua sei sai boot”, dehan Prezidente Komisaun B, José Agustinho Siqueira " Somotxo" iha PN, kinta (21/10).
Haree ba situasaun sira ne'e, Komisaun B deside asume responsbilidade no kompentensia ne'e hodi bolu Ministériu Justisa (MJ) inklui Polísia Siéntifika no Investigasaun Kriminál atubele rona no alerta nafatin ba sira oinsá PSIK ho SIK kumpre ida-idak nia kompetensia, no labele halo interferénsia ba kompeténsia.
Tanba ko'alia kona-bá PSIK ne'e agora dadauk sira iha kondisaun, purtantu SIK seidauk iha kondisaun. Karik akonstesimentu hanesan krime ka omesídu iha rai laran ne'e, sé mak tenke foti dadus, inklui sé mak ba halo prova, ne'e duni mak servisu ne'e, PSIK ho SIK tenke fahe hanesan.
"Entaun kazu sira ne'ebé, ita estraga de'it ema nia imajen, ha'u kaptura ida depois mosu iha televizaun dehan ou ne'e la'ós. Ha’u la komete krime ne'e dehan la komete krime, tanba saida mak ha'u mosu iha televizaun depois hatete dehan ha'u la'ós komete krime”, afirma Somotxo. (*)