Tuir informasaun ne'ebé www.tempotimor.com hetan husi família katak, traballadór ne'e, sai husi servísu fatin iha dader loron 16 fulan-novembru atu fila ba hela fatin, maibé to'o agora nia kolega ne'ebé sira hela hamutuk seidauk hatene nia paradeiru.

"Ami konfirma nia kolega ne'ebé sira hela hamutuk dehan, kolega laiha kabar mak ami buka. Pois nia númeru telfone mós mate", informa Laurinda de Carvalho Baptista hanesan alin husi traballadór ne'e ba www.tempotimor.com, kuartu (17/11).

Tamba ne'e, parte família informa ona ba Sekretáriu Estadu Formasaun Profisionál no Empregu (SEFOPE) atu kontaktu embaixada no adidu trabaladór iha Korea Súl hodi buka tuir. 

Traballadór ne'e, husi Suku Afaloikai, Postu Administrativu Bagia, Munisípiu Baukau. (*)