"Halo selebrasaun 28 novembru iha Baukau ne'e, fiar tomak fó ba ita bo'ot sira hanesan membru seguransa atu asegura ita nia selebrasaun 28 novembru ne'e bele seguru", dehan iha Baukau, kuarta (24/11).
Tanba, tuir informasaun problema entre joven kontinu akontese iha Munisípiu Baukau, nune’e husu mós ba membru OPS sira atu servisu maka’as liután bele informa ba komandu PNTL Baukau bainhira akontese krime no perturbasaun públiku ruma.
"Govérnu fiar ona tau iha Baukau fiar mós ba ita-nia membru PNTL ne'ebé destaka iha baukau atu halo servisu ne'ebé mak másimu liliu ba periodu hahú ohin to'o 29", nia afirma
Tanba, Prezidente Repúblika prezensa iha Munisípiu Baukau hodi selebra loron proklamasaun independensia to'o loron 30 fulan-novembru, nune'e membru PNTL sira tenke servisu ho kapasidade ba eventu importante ne'e.
Vise-Ministru Interiór mós fó parabens ba komandu PNTL Munisípiu Baukau, maske fulan hirak liuba situasaun manas, maibé to'o ohin loron hakmatek oituan ona. (*)