"Sim ita kontinua nafatin halo Check point iha Komandu oin, tanba ita-boot sira hatene ita-nia transporte to’o agora laiha no aat hotu, entaun kondisaun transporte ne’e halo ita-nia pasa revista la bá dook, mais ita iha de’it iha Komandu Munisípiu Dili nia oin”, dehan Inspetór Domingos Gama, iha Komandu Polísia Munisípiu Dili, segunda(06/12)
Tanba besik ona loron boot entaun PNTL kontinua halo pasa revista ho volume ne'ebé aas maske iha de'it komandu munisípiu nia oin
"Besik ona loron boot, nune'e volume check point ne'e aumenta nafatin maske ita check de’it iha komandu munisípiu Dili nia oin, nune’e bele eduka motorista sira-ne’ebé konduz karreta ho motorizada atu kompleta asesót transporte nian, inklui evita asidente”, esplika nia.
Tuir lolos passa revista ne'e foku ba fatin hotu iha Dili, maibé tanba transporte laiha, nune'e kontinua iha komandu munisípiu nia oin
"Bá fatin hotu iha Dili laran ne’e ita-nia fokus, ita tárjetu ne’e iha hotu atu halo operasaun pasa revista, so que ita-nia kondisaun transporte nia halo ita la konsege la’o bá dook, ita atu la’o bá dook check point presiza transporte para bainhira ita prende evidénsia ruma ita tula ho karreta, bele lori mós ita-nia membru sira lori ekipamentu ne’ebé check point bá fatin ne’ebé ita hakarak check point”, afirma ina.
Entretantu iha loron segunda (06/12) dader Polísia Tránzitu halo apreensaun ba motorizada hamutuk 20, inklui karreta rua tanba dokumentu laiha no xapa matríkula kotuk oin mós laiha. (*)