Tempotimor (Dili) - Orgaun soberanu iha rai-laran kuaze dominante husi Frente Armada hanesan Prezidente Repúblika no Primeiru Ministru, inklui Xefe Estadu Maiór Jenerál FALINTIL-FDTL.

Tempotimor (Dili) - Relasiona ho situsaun ne'ebé la'o daudaun iha rai laran, Xefe Estadu Maiór F-FDTL, Majór Jenerál Lere Anan Timur,  husu ba povu tomak atu tuur hakmatek hodi halo ida-idak nia atividade.

Tempotimor (Dili) - Xefi Estadu Maior FALINTIL-Forsa Defeza Timor Leste (F-FDTL), Majór Jeneral Lere Anan Timur sei haruka lista veteranu loloos kuaze 200-resin ba Primeiru Ministru Taur Matan Ruak. Naran hirak ne'e la hanesan ho lista husi Komisaun Omenajen nian. 

Xefe Estadu Maiór JenerálFALINTIL Forsa Defeza Timor-Leste (F-FDTL), Majór Jeneral Lere Anan Timur, husu ba lider nasional sira atu hatudu hahalok nu'udar estadista hodi sai modelu ba jerasaun foun sira.

Tempotimor (Dili)-Politika sai nu’udar dalan atu hetan poder no klaru osan ho fasil bele sulin ba bolus. Tan ne’e, Xefe Estadu Maior Jeneral FALINTIL Forsa Defeza Timor Leste (F-FDTL) Maijor Jeneral Lere Anan Timur la konkorda atu lakon tempu ba eleisaun antesipada (EA).

Komandante Jeral FALINTIL-Forsa Defeza Timor-Leste (F-FDTL), Major Jeneral Lere Anan Timur, ko'alia kona-ba prosedimentu uzu arma ba instituisaun defeza no seguransa.

Lere hateten, membru militar sira ne'ebe lao tun-sae iha estrada proibidu atu lori arma.

Tempotimor (Dili) - Relasiona ho impase polítika iha rai-laran, Xefe Estadu Maiór Jenerál FALINTIL-FDTL apela ba militar tomak atu mantein neutralidade hodi garante nafatin estabilidade nasionál.

Xefe Estadu Maiór FALINTIL-Forsa Defeza Timor-Leste (F-FDTL) Majór Jeneral Lere Anan Timur, fiar ba Primeiru Ministru Taur Matan Ruak, bele rezolve inserteza polítika membru Governu ne’ebé inklompletu.

Tempotimor (Dili) - Atu hakotu impase polítika ne'ebé akontese, Xefe Estadu Maiór Jenerál FALINTIL-FDTL husu lider sira kontinua buka malu no hako'ak malu.

Tempotimor (Dili) – Eis Primeiru Ministru Mari Alkatiri deklara, iha tempu besik, lider nasionál sira sei tuur hamutuk. Nia dehan, tanba dalan atu halai ketak, kloot ona.

"Ha'u hanoin situasaun ida agora ne'e. Tempu besik ona, ami na'in lima atu tuur hamutuk. Tanba durante ne'e, ita fó oportunidade ba ezekusaun polítika ne'e rasik," deklara eis Prezidente RAEOA-ZEESM ne'e iha Centro Convenções Dili (CCD) bainhira sai oradór daruak iha Konferensia Nasionál ba Comite Orientadór 25, Kinta (07/11/19).

"Maibé haree, ukun ne'e la'ós gerrilleru. Ha'u fiar katak tempu besik ba daudauk. Hotu-hotu tama iha dalan kloot, atu hasees an mós ladi'ak. Tenke hasoru malu. Tanba, ita hotu tasak hotu ona," dehan Alkatiri.

Nia afirma, ema barak husu atu lider nasionál na'in lima tuur hamutuk. Maibé, nia dehan, presiza hatene se mak lakohi tuur hamutuk.

"Ema barak husu, imi na'in lima tuur hamutuk. Maibé, tenke hatene se mak lakohi tuur hamutuk. Maibé, ha'u fiar katak tempu besik ona atu hetan soslusaun ba ida ne'e," nia tenik.

Alkatiri rekoñese, ema barak preokupa katak lider sira la fó oin ba malu. "Ha'u fiar katak situasaun komesa tasak ona. Entaun, ha'u fiar duni. Ha'u fiar duni, iha tempu badak," nia afirma.

Page 1 of 6

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com