Tempotimor (Dili)-Polísia Nasionál Timor-Leste (PNTL) rejista kazu asidente tráfegu, durante fulan-8 husi Janeiru to’o Agostu 2022 akontese iha teritóriu Timor laran tomak hamutuk 1.336 rezulta ema na’in 61 mate iha estrada públiku.

Tempotimor (Dili)-Komando Polísia Nasionál Timor-Leste (PNTL) Munisípiu Díli hatun diretiva ba Komandante Eskuadra sira hamutuk ho Sesaun Tránzitu Munisípiu Dili hala’o pasa revista ba motorizada konsege prende motorizada hamutuk 90 viola kódigu Estrada bainhira  movimentu iha estrada públiku.

Tempotimor (Dili)-Polísia Nasionál Timor Leste (PNTL) liuhusi Servisu Informasaun Polisia (SIP) Nasionál konsege kaptura ona autór ne’ebé na'ok motorizada no telemovel iha Komoro, iha área Kampung Baru, Komoro.

Tempotimor (Dili)-Komandante Polísia Nasionál Timor-Leste (PNTL) Munisípiu Dili, Superintendente Xefe Henrique da Costa, halo inspesaun ba motorizada hamutuk 39 ne'ebé durante ne'e polísia tránzitu Dili utiliza hodi hala’o servisu.

“Sim, ohin ita halo inspesaun ba transporte ne'ebé PNTL sira uza, liliu iha sesaun tránzitu munisípiu Dili ninia, dahuluk haree kondisaun transporte ne'ebé sira uza motorizada, daruak ita haree ba asesoria sira ba motorizada sira ne'e, datoluk mak chek sira-nia karta kondusaun, no ita halo inspesaun ba motorizada hamutuk 39”, dehan Henrique hafoin a halo inspesaun iha Komandu PNTL, Kaikoli, segunda (27/06).

Iha inspesaun ne’e, konsege identifika motorizada balun aat maibé membru sira rai hela iha uma, no komandu fó ona orientasaun depois de inspesaun, parte administrasaun ho lojistika ba membru sira-nia uma atu nune’e bele tula motorizada ne'ebé aat, lori ba Komandu Dili, tanba sasán Estadu ninian aat tenke para iha edifísiu Estadu.

“Ohin ita halo inspesaun ba motorizada hamutuk 39, e motorizada 39 ne’e la’ós di’ak hotu, maibé iha 8 mak aat tiha, identifika balun iha ona ita-nia fatin, iha tolu mak sei iha membru sira-nia uma no oras tan sira parte lojistika sei ba tula mai ona”, informa nia.

Enkuantu haree mós membru sira-nia karta kondusaun mate tenke ba renova filafali, no sira informa katak formatu iha parte transporte ninia mak laiha, no sira sei prepara karta ida hodi aprezenta ba hodi husu nune'e sira bele renova fali membru sira-nia karta kondusaun ne’e ho lalais.

Inspesaun hirak hanesan ne’e, hahú uluk husi parte sesaun tránzitu ninia, maibé tuir mai sira sei la’o mós ba fali eskuadra nian, nomós sasán sira seluk atu nune’e haree kona-ba kondisaun real fizikamente transporte ne'ebé mak sira utiliza.

“Sim, ita fó ona orientasaun ba sira, agora iha kompaña ida ne’ebé mak hetan ona kontratu husi komandu husi instituisaun PNTL, hahú iha 20 Maiu nia ba kotuk ne’e hadi’a ona, no kontratu ho Kompaña, no husu ba membru sira la presiza ema ida-idak hasai sira-nia osan para halo manutensaun ka halo reparasaun, maibé hato’o pedidu mai iha komandu,  nune'e ita kontinua filafali pedidu ba Komandu Jerál para ita halo manutensaun no reparasaun ba motorizada sira ne’ebé mak aat, ida-ne’e ita husu ona ba sira hodi labele hasai osan mesak atu halo manutensaun ba motorizada sira ne’ebé utiliza”, dehan nia. (*)

Tempotimor (Dili)-Atividade Operasaun konjunta, Komandu Polísia Nasional Timor-Leste (PNTL), Munisípiu Díli, durante loron rua nia laran konsege halo apreensaun ba motorizada hamutuk 80, tanba kontra lei kódigu estrada.

Tempotimor (Dili)-Segundu Komandante Polísia Nasionál Timor-Leste (PNTL) Munisípiu Dili, Superentidente João Sancho Pires hatete, durante loron rua nia laran PNTL halo operasaun konsege prende motorizada hamutuk 92.

Tempotimor(Dili)-Xefe Departamentu Tránzitu Seguransa Rodoviariu Nasionál, Superentidente João Belo D.Reis deklara, asidente tráfegu iha teritóriu nasionál durante fulan-novembru 2021 kontinua domina husi motorizada ho marka Honda Beat.

Tempotimor (Dili)-Polísia Nasionál Timor-Leste (PNTL), liuhusi Komandu Munisípiu Dili, detein suspeitu ida ho naran inisiál J, tanba viola kódigu estrada hodi kondúz motorizada, la uza kapasete.

Tempotimor (Dili)-Polísia Nasionál Timor-Leste (PNTL) liuhusi komandu munisípiu Dili konsege halibur osan ho montante US$9,102 ba kofre estadu, tanba motorizada 289 ne’ebé prende adepu Euro 2020.

Tempotimor (Dili)-Polísia Nasional Timor-Leste (PNTL) dadaun ne’e kontinua razia iha kapitál Díli hodi halo pasa revista ba transporte ne’ebé dokumentu mate (liu prazu) antes Governu aplika serka sanitária. 

Komandante Polisiamentu Komunitáriu Nasionál Superintendente, António da Luz hatete, dokumentu motorizada ne’ebé expira iha tempu Serka Sanitária (SS) ne'e oportunidade ba motorista bele livre tanba hotu hasoru hela situasaun Covid 19.

“Sira ne'ebé dokumentu mate ne'e livre hela maibé mate iha SS nia laran, labele mate iha tinan 2017 no 2018 ne'e mak sei uza nafatin ne'e labele maibé agora ne'e foku liu ba sira ne’ebé laiha liu karta Kondusaun (SIM)”, dehan António da Luz iha Palásiu Governu, kuarta (26/05).

Ba sidadaun ne’ebé karta kondusaun mate iha SS nia laran sei fó toleránsia, maibé laiha dokumentu sei prende, tanba ne’e parte ida eduka sidadaun atubele respeita regra.

Bainhira sidadaun laiha dokumentu lori motorizada kuandu akontese dezastre ruma sei mosu problema maibé iha dokumentu sei ajuda sira hodi hakamaan pena.

“Kuandu sira soke ema mak sira iha karta kondusaun (SIM) dala ruma ba sei bele ajuda sira mais kuandu sim laiha mak sira soke ema lei kondena tan sira, sira sei selu tan ema nia sasán entaun parte ida eduka sira”, dehan nia.

Nune'e motorizada, Ono Felisiano ne'ebé hetan prende husi PNTL rekoñese sala tanba laiha karta kondusaun, maibé lori motorizada.

"Ha'u sai SIM laiha ne'e mak sira prende tiha ha'u, ohin ha'u selu US$9 ha'u rekoñese ha'u sala”, deklara Ono iha Komandu Munisípiu Díli, kuarta (26/05)

Motorizada sira ne'ebé PNTL prende iha Palásiu Governu nia oin iha loron kuarta (26/05) hamutuk 36 ne'ebé oras ne'e iha hela KMD no iha balu selu ona ina banku hodi foti filafali. (*)