Login to your account

Username *
Password *
Remember Me

Tempo timor(Dili)-Deputada Frente Revolusuonáriu Timor-Leste no Indepedente (FRETILIN), Gabriela Alves deklkara, tempu ona Governu buka dalan oinsá koopera ho entidade instituisaun sira hotu atu eduka sidadaun sira evita soe bebé.

Tempotimor (Dili)-Ministra Negósiu Estranjeiru no Kooperasaun, Adaljiza Albertina Xavier Reis Magno hatete, Governu Timor-Leste (TL) tenta hela atu halo akordu bilaterál ida ho Governu Portugal hodi fasilita simu timoroan ba servisu iha Portugal.

Tempotimor (Dili)-Deputada Bankada Congresso Nacionál de Reconstrução de Timor (CNRT), Carmelita Caetano Monis hatete, sira-nia parte hakarak hatene kooperasaun servisu husi Komisaun Anti Korrupsaun (KAK) ho Tribunál Rekursu (TR) kona-ba unifomidade formuláriu dijitál ba instituisaun no funsionáriu públiku sira atubele deklara sirania riku soin.

Tempotimor (Dili)-Parlamentu Nasionál (PN) aprova votu kongratulasaun ba Arsebispu Arkidioseze Metropolitana Dili, Dom Virgílio do Carmo da Silva, ne'ebé mak hetan nomeasaun husi Papa Francisco hodi sai nu’udar Kardeál dahuluk ba Uma Kreda Timor-Leste nian.

Tempotimor (Baukau)‐Sosiedade Sivil, Asosiasaun ONG Baukau (AOB), husu, Governu atu hatur lolos lei merkadu livre, tanba iha Timor laran, sidadaun estranjeiru sira barak mak loke fali kios hanesan ho timoroan sira.

Tempotimor (Dili)-Primeiru Ministru (PM), Taur Matan Ruak hala'o enkontru semanál dahuluk ho Prezidente Repúblika (PR), José Ramos Horta, hodi informa pozisaun Governu kona-ba defende Lei Grande Opsaun no Planu bainhira hala'o debate ho Parlamentu Nasionál (PN).

Tempotimor (Dili)-Deputada Bankada Congresso Nacional de Recinstrução de Timor (CNRT), Vergína Ana Belo hatete, Governu presiza hadi'a kondisaun parajen iha terminál Bekora no Tasitolu atubele akumula transporte públiku sira ho di'ak.

Tempotimor (Dili)-Xefe Bankada Partidu Libertasaun (PLP), Deputadu Cornelio Gama ‘L-Sete’, hirus deklarasaun anti demokrátiku ne'ebé fó sai husi Bankada Congresso Nacional de Reconstrução de Timor (CNRT) iha Parlamentu Nasionál (PN).

“Ha'u atu ko'alia liafuan defamasaun husi CNRT ne'ebé ko'alia dehan L-Sete ameasa CNRT hatudu anti demokrátiku, liafuan ida momentu ha'u dehan hanesan ne'e, CNRT labele repete liafuan Governu Taur Matan Ruak defaktu, se dehan defaktu di'ak liuhusi Xanana to'o ami sira iha ai-laran ne'e defaktu hotu”, hatete L-7 iha plenária PN, tersa (24/05).

Tanba deputadu CNRT hasai liafuan defaktu no inkonstituisional hodi derije ba Jenerál Taur Matan Ruak tanba ne'e mak husu atu labele repete maibé la'ós ameasa deputadu CNRT.

Ho liafuan anti demikrasia, ne'e, la'os deputadu L7 mak anti demokratiku, maibe deputadu sira CNRT maka anti demokratika, tanba hasai liafuan defaktu hodi diriji ba governu.

Tanba uluk ba funu iha ai-laran ne'e la'ós ema matenek mak hela iha ai-laran, hahú husu Xanana no sira seluk la'ós matenek, la'ós S1, S2 ka S3 mak iha ne'eba.

Momentu ne'eba ema sira matenek mate mohu ona, tanba funu ida ne'e, agora sira ne'ebé mate restu ne'e, bolu fali defaktu hotu de'it ne'e liafuan la di’ak.

“Agora deputadu ida ne'e, dehan Jenerál Taur Matan Ruak de faktu, Primeiru Miniatru ka Xefe do Governu defaktu, ami moe duni, hanesan uluk nee ami dulas de'it, ida ne'e liafuan at, ne'e mak na’in ulun sira iha leten ne'eba, maun sira hirus malu tanba ita husi okos ne’e mak hanesan kilat musan ida karik hatana ba tiru bebeik”, hatete nia.

Maibé, agora dadauk veteranu sira ne'ebé iha tempu rezisténsia, fó ona hanoin ba malu, labele halo arbitrazen tanba sira mak eroi ba libertasaun nasaun maibé sira ne'ebé ko'alia uza matenek agora atu hatudu nasaun ne'e sei runga ranga.

“Hau husu prezidente, ha’u husu CNRT atu muda ita-nia hanoin ida ne'e, se la'e ita dehan ne'e ita defamasaun, ita tenke halo bom ano, ne'e lei iha Taur Matan Ruak biar nia beik, nia lahatene aitonka mais ami sira aitonka kaer nasaun bee funu remata entrega poder nasaun ne’e ba imi, agora imi bolu nafatin ami aitonka, ne'e mak ami la konkorda”, afirma nia.

Maibé Xefe Bankada CNRT, Duarte Nunes husu deskulpa ba deputadu L-Sete atu lalika hirus ho liafuan ida ne'e, tanba liafuan defaktu ne'ebé CNRT ko’alia ne'e la'ós sira-nia liafuan maibé ne'e husi bankada FRETILIN nian.

“Ne'ebé labele dun mai ami, ami mak bolu Governu defaktu, mestre barak mak iha sorin, iha ha’u-nia liman loos mak ne'e, ida mak ita-nia prezidente iha meza ne'eba ne'e, ne'ebé Governu defaktu ne'e liafuan loos ka laloos, ami aprende husi sira”, esplika Duarte.

Bainhira ko'alia kona-ba pozisaun CNRT bolu Governu defaktu, tanba Governu ida ne'ebé lidera husi Jenerál Taur Matan Ruak ne'e, momentu ne'eba hato'o ona karta demisaun ba Prezidente Repúblika, maibé lahatene tanba sá mak seidauk husik kargu PM, ida ne'e mak sai konfuzaun ba CNRT. (*)

Tempotimor (Dili)-Deputadu Bankada Partidu Demokrátiku (PD), Adriano do Nacimento hakarak, tékniku sira iha Diresaun Nasionál Patrimónia Estadu presiza hadi'a kualidade servisu atubele koordena ho ofisina (bengkel) sira oinsá bele hadi'a karreta Estadu ne'ebé kondisaun aat.

Tempotimor (Dili)-Enkontru líder bankada parlamentár, tersa (24/05), ne'e deside halo diskusaun no aprovasaun ba loron Nasionál Liberdade Impresa ne'ebé sei monu iha 16 Outubro, ho vota a favor 49 kontra 0 abstensaun 0.

Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter