Login to your account

Username *
Password *
Remember Me

Tempotimor (Dili)-Bankada 7 iha Parlamentu Nasionál (PN) hala'o ona aprovasaun votu pezár no omenajen ikus ba saudozu no atuál deputadu husi bankada Partidu Libertasaun Populár (PLP) Sabinos Soares ''Guntur''.

Tempotimor (Dili)- Deputadu bankada Partidu Libertasun Popular (PLP) iha Parlamentu Nasionál (PN) Sabino Soares 'Guntur' sujere ba governu daualu diak liu kansela programa sesta bazika, atu nune'e kria fali investimentu negosiu iha sosiedade hodi hatama retornu ba kofre estadu.

Tempotimor (Dili)-Deputadu Parlamentu Nasionál husi bankada Partidu Libertasaun Popular Sabino Soares “Guntur” husu ba Ministériu Edukasaun, Juventude no Desportu (MEJD) atu investiga klean professor ne’ebé haruka estudante feto na’in rua rei malu.

Tempotimor (Dili) – Deputadu Sabino Soares 'Guntur' konsidera jerasaun Timoroan agora ne'e lakon moral, iha era teknolojia.  

"Jerasaun agora ne'e, sira nia morál monu hotu iha era teknolojia, liuliu iha media sosiál," hatete Guntur iha Komisaun G, Parlamentu Nasionál, Kinta (19/09/19).

Nia dehan, Timoroan sira iha nia sivilizasaun kulturál husi bei-ala sira. Maibé, jerasaun foun agora, sira-nia morál monu badadaun.

"Ita Timor ne'e, iha sivilizasaun moral. Ida ne'ebé mak boot ne'e boot duni tuir nia ierarkia. Maibé, tanba de'it agora demokrasia to'o la respeita ida ne'ebé idade liu. Ida ne'e laiha ona. Respeita lider laiha ona. Insulta tuir ita nia hakarak. Jerasaun Timor nian ida ne'e, nia morál aat tebes," Guntur hatete.

Prezidente Komisaun G, Parlamentu Nasionál ne'e husu ba Governu presiza sensibiliza maka'as hodi bele hadi'a joven sira nia moral. Liuliu regulariza média sosiál ne'ebé dalabarak ema uza hodi insulta lider sira.

"Ita presiza halo edukasaun sivíka ba ita nia sidadaun. Inklui, kria mós kampu servisu ba ita nia joven sira. Selae ita abandona sira mós sai problema hotu," Guntur afirma.

Tempotimor (Dili) – Deputadu Sabino Soares 'Guntur' konsidera, operasaun Polísia Nasionál Timor-Leste (PNTL) durante ne'e la profisionál. Tanba, molok ba operasaun alerta uluk ona ba públiku.

"Tuir loloos polísia labele halo deklarasaun polítika iha públiku. Sira atu ba halo saida, ba nonok no halo de'it. O fó hatene tiha ona ba ema autór krime sira, konserteza sira mós antisipa. Tanba ne'e, PNTL looos nein atu halo deklarasaun polítika katak agora ne'e ha'u la fó fatin," dehan Deputadu husi bankada Partidu Libertasaun Populár (PLP) ne'e, iha Parlamentu Nasionál, Kinta (19/09/19).

Nia akresenta, autoridade seguransa tenke iha polítika di'ak para bele deteta autór kriminozu sira.

"Autoriedade seguransa tenke iha polítika di'ak, hodi deteta no kaer autór kriminozu. Labele aban ba halo operasaun iha fatin ruma, kalan fó sai ona husi média katak aban ba halo operasaun iha fatin ida ne'e. Ida ne'e halo ema kriminozu sira ses-an husi fatin ne'e," Guntur afirma.

Nia mós husu atu lider PNTL labele halo polítika iha sosiedade nian leet. Nia dehan, PNTL iha dever obrigasaun atu asegura povu.

"Komandante sira, ba halo fali kampaíña polítika. Autoridade seguransa nunka mais ba halo polítika iha sosiedade. Sira nia dever obrigasaun oinsá atu antisipa krime ne'ebé mak mosu. Tenke koopera ho autoridade lokál sira, hodi sensibiliza sasan hirak ne'e. Mas, tanba ne'e mak ita nia  polísia ne'e la profisionál. Kuandu sira nia lider mak la  profisionál ona,  satán ninia elementu sira," Guntur hatete.

Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter