Login to your account

Username *
Password *
Remember Me

MAPKomS Simu Autoridade Lokal, Xefe Suku Husu Muda Nahareka Sai Naroman

Ministru Asuntu Parlamentár no Komunikasaun Sosiál (MAPKomS), Francisco Jerónimo sorumutu ho autoridade lokál husi suku Nahareka, iha Palasiu Governu Dili, Kinta (25/2) Ministru Asuntu Parlamentár no Komunikasaun Sosiál (MAPKomS), Francisco Jerónimo sorumutu ho autoridade lokál husi suku Nahareka, iha Palasiu Governu Dili, Kinta (25/2)

Tempotimor(Dili)- Ministru Asuntu Parlamentár no Komunikasaun Sosiál (MAPKomS), Francisco Jerónimo sorumutu ho autoridade lokál husi suku Nahareka, Postu-administrativu Ossu, Munisípiu Vikeke ho objetivu atu muda suku Nahareka sai naroman.

Relasiona ho sorumutu ne'e, Ministru Asuntu Parlamentár no Komunikasaun sosial(MAPKomS), Francisco Jerónimo hateten, sei haruka nia ekipa ba peskiza iha Nahareka.

Ekipa husi MAPKoomS atu ba hala'o peskiza ida iha Suku Nahareca atu hatene loloos komunidade nia difikuldade ne'e, sei realiza iha fulan oin, ou sei haree mos ba surtu Covid-19.

"Ha'u la halo promesa no agora ha'u seidauk halo promesa ba ita boot sira, maibé ha'u atu hatete de'it ba xefe suku katak, ami iha-ne'e iha diresaun ida-ne'ebé mak sei haree ba buat sira-ne'e", dehan Ministru Francisco Jerónimo iha kna'ar fatin, Palásiu Governu, kinta (25/2).

Hafoin rezultadu peskiza ne'ebé ekipa sira ba hala'o iha suku Nahareka mak foin bele deside apoia saida mak bele fó.

"Sira sei to'o iha ne'ebá hodi haree tiha ita boot sira, no halo analiza ba buat sira-ne'e hotu, hafoin sira mai fali hodi fó hatene ha'u saida mak ita bele halo," dehan Ministru

Tanba, governu atu servisu ba povu, nune'e saida mk povu nia hakarak, liuliu programa ne'ebé bele ajuda povu atubele sai husi situasaun defísil.

Wainhira sira ba haree tiha, mai fali informa kona-ba poténsia saida mak iha-ne'ebá depois kobre biografia suku Nahareka hodi fó sai ba publiku.

"Sira ba survei loos ona sira mai informa mai ha'u, no ami sei ba halo diálogu ho komunidade sira iha-ne'ebá no wainhira komunidade sira konkorda hotu ona pois oinsá ita bele halo buat ruma ba iha suku Nahareka," dehan Ministru.

Paulino Albertino Ximenes nu'udár xefe suku Nahareka afirma, Nahareka susar tebes, tanba ho kondisaun dalan ne'ebé la favorável no la asesu ba liña eletrisidade, entaun difikulta tebes ba komunidade nia moris no susar tebes ba labarik sira bainhira atu estuda iha kalan.

"Ida-ne'e mak ha'u mai hato'o ba sua exelénsia atu ajuda ami nia suku atu halo buat di'ak ba ami-nia suku, tanba ami-nia suku área rurál tán ne'e fo netik buat ruma ba ami-nia suku," dehan xefe suku Nahareka

Tuir nia, difikuldade ne'ebé povu Nahareka hasoru mak estrada no eletrisidade, tanba durante ne'e nunka hetan buat ruma husi parte governu.

Suku Nahareka kompostu husi aldeia 5 hanesan, Makabu'u, Maurate, Raila'a, Darenau, no Samarogo no riku ho produtu lokál ne'ebé iha mak, kamí, nuu, bua no iha ai-fuan sira seluk tan. (*)

Rate this item
(0 votes)
Last modified on Thursday, 25 February 2021 13:57
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter