“Rezultadu ita seidauk hatene saida mak mais ha'u haree hanesan ohin ha'u-nia diskursu rezultadu mais konsolida atu hametin di'ak liután FRETILIN no atu haburas ho nia baze FRETILIN ho nia baze Frentista liuhusi Polítika de ampliasaun da frente atu kumpri kompromisu FRETILIN ho fali povu, FRETILIN mak povu e povu mak FRETILIN ida-ne'e mak ami sei halo”, dehan Lú Olo iha CCD, Kaicoli, kinta (08/09).
Tanba iha kongresu ba dalimak ne'e delegadu sira hili nia lideransa ba tinan 2023- to'o tinan 2028 nian atu kontinua servisu partidu nia durante tinan lima nia laran.
“Loron ohin kamarada sira delegadu ho delegada sira sei hili Sekretáriu Jerál no Prezidente Partidu FRETILIN nian pakote líderansa nian ba tinan 2023 nian to'o 2028”, afirma nia.
Delegadus sira iha liberdade tomak atu hili kandidatu rua ba halo pakote ida ba lideransa ida ne'ebé tuir tradisaun estatutu Partidu FRETILIN nian kedas kongresu dala uluk iha tinan 2001.
“Alende hili pakote líderansa iha tinan ne'e sei hili mós kongresu Sekretáriu Partidu nian ba tinan lima tuir mai, ida importante mak haree ba povu hodi hamoris fali ita hotu fuan”, dehan nia. (*)