Prezidente Komité Orientadór 25 (CO25) Costâncio Pinto hatete, rezolve impase polítika buka solusaun ne'ebé viavel no aseitavel ba povu, lider no nasaun.
CO25 kompostu husi organizasaun rezisténsia 16 apoia ba esforsu hotu-hotu ne'ebé Xefe Estadu halo hodi hetan solusaun di'ak ba nasaun no povu.
"Komité Orientadór nia-haree ema ko'alia kona-ba eleisaun antesipada, maibé ida ne'e rekursu ikus liu. Meiu hotu-hotu ne'ebe ita utiliza atu hetan solusaun di'ak la konsege ona, maka ba eleisaun antisipada", dehan Costâncio, iha Palásiu Governu, Kuarta (5/2).
Prezidente CO25 ne'e fó mós hanoin ba lider polítiku, liuliu lider nasionál sira para buka tuur hamutuk hodi fó solusaun di'ak ba situasaun polítika ne'e. (*)