"Señor Prezidente Repúblika husu ita hotu atu rekoiñese no koñese liután obra koletiva ida ne'ebé hanaran "Buibere Hamriik Ukun Rasik An" liuhusi livru ne'e”, dehan Prezidente Parlamentu Nasionál (PN), Aniceto Longuinhos Guterres Lopez, iha komemorasaun Loron FALINTIL ba dala-46 iha Kuartel Jenerál, Fatihada, sesta (20/80).
Tanba ne’e hothotu presiza haree papel importante feto sira-nian iha mós Luta Armada, no iha kontestu tomak iha luta libertasaun nasionál.
Nu'udar responsável ida iha Frente Klandestina, iha Rezistensia Estudantil no nu'udar advogadu ba Direitu umanu iha tempu okupasaun Indonézia, kompriende tebes mensájen ida ne'e no fó apoiu ba obra sira hanesan ne'e.
Dadauk, Estadu Timor-Leste halo esforsu barak ona hodi rekoiñese no valoriza sakrifisiu husi erói no mártire Pátria, nomós dignifika liután vida kombatente sobrevivente sira-nian ne'ebé validadu ona, liuhusi pagamentu pensaun no subsídiu, hari'i uma, tratamentu saúde, atribuisaun bolsa estudu ba oan sira, no benefísiu sira seluk. (*)