Ba atividade transasaun ilegál ne'e bele hala'o iha Postu Administrativu Maliana, Munisípiu Bobonaro ne'ebé besik kedas fronteira Indonézia nian.
Tuir Informasaun ne'ebé www.tempotimor.com asesu, iha pájina Servisu Relasaun Públika, sesta (26/08) katak, sasán kultura ne’ebé prende mak belak mean no mutin totál hamutuk 494, kompostu husi belak mean bot 48, mean mediu 150, mean ki'ik 125. Enkuantu belak mutin boot 16, mutin mediu 80 no mutin ki'ik hamutuk 75.
Membru UPF asegura de’it mak sasán kultura ne’e enkuantu na’in ba objetu konsege halai lakon konsidera deskuñesidu no sasán refere asegura ona iha Postu Tunubibi. (*)