“Ita halo ita-nia atividade no ita sei patrulla la'o ain patrulla ho karreta fatin iha fatin hirak ne'ebé mak ita deskonfia sempre mosu problema”, dehan nia ba jornalista sira iha Komandante Munisípiu Díli, Kaikoli, segunda (12/09).
Tanba ne’e, movimentasaun autoridade seguransa ne'e la'ós hala'o de'it iha estrada boot maibé sei tama sai bairu no fatin Sentru konflitu ne'ebé autoridade seguransa difísil atu tama.
“Ita mós halo komunikasaun ho líder komunitáriu sira iha ne'ebá no mós Juventude sira iha ne'ebá atu nune'e esplika ba komunidade sira katak prezensa ita-nia atu garante paz no estabilidade no husu ba ita-nia komunidade sira labele pániku”, apela nia.
Tarjetu Patrollamentu ne'e liuba kriminozu sira ne'ebé mak iha Dili kria instabilidade iha Munisípiu hodi redúz konflitu maibé kria paz no estabilidade.
Ba atividade patrolla ne'e akipa konjunta ne'ebé kria husi Instituisun Polísia Nasionál Timor-Leste no FALINTIL-Forsa Defeza Timor-Leste hamutuk battalaun 10. (*)