Tempotimor (Baukau)-Governu liuhusi Ministériu Ensinu Superior Siensia no Kultura (MESSK), servisu hamutuk ho Fundu Dezenvolvimentu Kapital Umanu (FDCH-sigla portugés), rekolla ona dokumentus husi estudante na'in-645 iha Munisípiu Baukau, atu asesu ba programa bolsa hakbi'it no parsial tinan 2023.

Diretór servisu rekursu umanu, Munisípiu Baukau, João Bosco Ximenes, esplika, programa ne'e, Governu liuhusi FDCH hakarak apoiu estudante ne'ebé valór boot, maibé ekonómia família la sufisiente atu kontunua nia estudu iha univesidade.

Tanba ne'e, ekipa tékniku husi FDCH hamutuk ho servisu Administrasaun Munisípiu Baukau, hahú husi loron 06-13 fulan-fevereiru tinan 2023, konsege simu dokumentus husi estudante ba bolsa hakbi'it no parsial periodu 2023 nian, hamutuk 645 husi Postu Administrativu Baukau Vila, Baguia, Laga, Kelikai, Venilale inklui Vemase.

"Agora dadauk dadus ne'ebé tama ona ne'e kuaze 600-resin, ne'e estudante sira husi Postu-6 hotu, ba vaga bolsu habkbi'it no bolsu parsial", dehan nia iha vila nova Baukau, Segunda (13/02).

Estudante ne'ebé submete ona dokumentus ba bolsa hakbi'it, husi estudante finalista sekúndaria husi anu letivu 2017, ho valór 6.0, enkuantu bolsa parsial ho valór tenke 7.5 ba leten, husi anu letivu 2022 de'it.

Dokumentus ne'ebé estudante sira submete ona, sei halo selesaun iha nasionál, hafoin taka sai naran iha nivel Munisípiu.

Bainhira liu ona selesaun, Governu sei halo finansia tuir tipu bolsu ida-ida, hanesan benefisiáriu ba bolsa hakbi'it, Governu sei finansia fundus ba semester, selu hela fatin, inklui han hemu, enkuantu ba benefisiáriu bolsa parsial Governu selu de'it kada semester.

"Ha'u hanoin programa ne'e bele fasilita ita nia komunidade sira ne'ebé kbi'it la'ek laiha forsa atu selu sira nia oan nia eskola atu ba universidade", nia akresenta

Husu kandidatus sira, sai ona benefisáriu ba bolsa refere, tenke estuda no kumpre deklarasaun ne'ebé iha, tanba Governu tau ona osan hodi tau matan, maibé derepente eskola la hotu to'o dalan klaran hakarak sai, tenke devolve fali estadu nia osan.

"Ne'e regras mak hanesan ne'e, sé sira hakarak hola mane ou hola feto, família tenke selu fali estadu nia osan", nia hatete

Aman ba kandidatu bolsu hakbi'it, Feliz Manúel Belo, sente kontente ba programa refere, tanba bele ajuda ekonómia família kbi'it la'ek sira nia oan asesu ba edukasaun iha banku universitáriu.

"Ami sente kontente, tanba Estadu ajuda ona ami inan aman kbi'it la'ek, maibé liuhusi teste mak determina", nia subliña

Entretantu programa bolsa hakbi'it no parsial tinan 2023 ne'e, foku liubá área estudu Agrikultura ho nia área kursu 3, Edukasaun área kursu 10, Enjeñaria área kursu 9, Saúde área kursu 6, inklui, Siensia Sosiais área kursu 6. (*)

Tempotimor (Dili)-Governo liuhusi Konsellu Ministru (KM) aprova projetu Dekretu-lei, ne’ebé aprezenta husi Ministru Ensinu Superiór, Siénsia no Kultura, Longuinhos dos Santos, ba alterasaun dahuluk ba Dekretu-lei númeru 13/2020, loron 15 fulan-abril, kona-ba Regulamentu Fundu Dezenvolvimentu Kapitál Umanu (FDCH) ba natureza pagamentu Bolsu estudu nian.

Tempotimor (Dili)-Deputadu iha komisaun G ne'ebé trata asuntu edukasaun, kultura no sidadánia iha Parlamentu Nasionál (PN), António Verdial krítika Fundu Dezenvolvimentu Kapitál Umanu (FDCH- sigla portuges), tanba to'o ohin loron seidauk aprezenta dadus konkretu kona-ba estudante ki'ak no riku, hira mak hetan ona bolsu estudu iha rai laran no estranjeiru.

Tempotimor (Dili)-Ministériu Ensinu Superior Siénsia Kultura (MESSK) liuhusi Fundu Dezenvolvimentu Kapitál Umanu (FDCH) selebra kontratu ho ensinu Superior isra iha Timor-Leste hanesan Institutu no Universidade privadu hamutuk 12 ne'ebé sei akumula bolseiru bolsa parsiál tinan akademiku 2022.

Tempotimor (Dili)-Fundu Dezenvolvimentu Capital Humanu (FDCH) kolabora ho Sekretáriu Estadu Formasaun Profesionál no Empregu (SEFOPE) sei loke tan kursu ba Lian Inglés.

“Dadaun ne'e, formasaun ne'ebé fornese husi SEFOPE mak área sira hanesan tékniku ninian no lian-Korea nian maibé ami koko atu koopera ho SEFOPE loke tan formasaun ba área lian-inglés”, informa Dirétor Ezekutivu Fundu Dezenvolvimentu Capital Humanu (FDCH), Cristovão dos Reis, iha Salaun DNEE, Bekora, Sesta (25/02).

 Taba ema hotu hatene lian ne’ebé bele ba servisu iha nasaun ne'ebe de'it presiza mak Ingés hanesan lian internásionál ne’ebé ema iha nasaun hothotu presiza aprende no utiliza, bainhira sai husi nia nasaun.

Ho ida ne’e, Sekretáriu Estadu Formasaun Profesionál no Empregu mak iha kbi'it atu kria planu, programa, atividade no orsamentu aprezenta iha Parlamentu Nasionál aprova SEFOPE mak ezekuta rasik maibé iha tinan 2021 mosu mudansa SEFOPE prepara planu, programa, atividade no orsamentu, maibé FDCH mak tau osan.

Nune'e parte rua iha ida-idak nia servisu, ne’ebé mak ida ba planu, programa, atividade no ida seluk mak fundu maibé ho objetivu ida mak atu forma no prepara joventude sira ba kampu traballu.

“Ita hotu hatene situasaun ne'ebée ita-nia nasaun enfrenta no ita koko atu reduz problema sira mak liuhusi dalan fó formasaun ba joven sira”, dehan nia. (*)

Tempotimor (Dili)-Fundu Dezenvolvimentu Kapitál Umanu (FDHC) deside prevé programa haaat iha proposta orsamentu jerál estadu (OJE) tinan fiskál 2022.

Tempotimor (Dili)-Diretór Ezekutivu Fundu Dezenvolvimentu Kapitál Umanu (FDHC), Hermenegildo da Silva deklara, bolseiru timoroan hamutuk na'in-3.341 mak dadaun ne'e konsege asesu ona servisu iha instituisaun estadu no privadu.

Tempotimor (Dili)-Diretór Ezekutivu Fundu Dezenvolvimentu Kapitál Umanu (FDCH), Hermengildo da Silva hatete, FDCH iha tinan 2021 ne’e prevé osan ho montante millaun US$1.5 ba programa Bolsa Hakbi’it.

Tempotimor (Dili)-Diretór Ezekutivu Fundu Dezenvolvimentu Kapitál Umanu (FDCH), Hermengildo da Silva, asina kontratu ho benifisiária Programa Bolsa hakbi’it ba estudante kbi’it la’ek hamutuk atushaat-ualunolu (480) iha Universidade Nasionál Timor Lorosa’e (UNTL).

Tempotimor (Dili) – Fundu Dezenvolvimentu Capitál  Humanu (FDCH) fó tan bolsu estudu ba estudante na'in 10 iha nivel lisensiatura hodi ba estuda iha Kamboja.

Tuir Ministru Ensinu Superior Siénsia no Kultura (MESSK), Longuinos dos Santos hatete estudante nain 10 ne'e sei kontinua sira nia estudu durante tinan haat nia laran.  

"Totál benefisiariu hamutuk na'in 10. Kompostu husi mane na'in 8 no feto na'in 2. Sira sei ba estuda liuliu iha área relasaun internasionál, negósiu internasionál no administrasaun eskolar iha nivel lisensiatura nian durante tinan haat," dehan MESSK iha nia knaar fatin, Segunda (14/10/19).

Longuinos afirma, bolseiru sira ne'e estudu iha Kamboja sei la liu tinan 4. Tanba, iha sira-nia kontratu preve ona kuandu sira la remata tuir durasaun tempu ne'ebé iha, tuir lei sei prolonga tan tinan ida. Bainhira iha tinan ida mós la remata tan, sira tenke fila.

Iha fatin hanesan, representante Sekretáriu Ezekutivu FDCH, Leila Cárceres dos Santos haktuir, FDCH sente orgullu tebes bainhira halo kooperasaun di'ak ho nasaun Kamboja hodi haruka estudante sira ba estuda iha ne'ebá.

"Orgullu tebes bele hetan kooperasaun di'ak. FDCH sempre prontu atu fó apoiu ba bolseiru sira sei hamutuk nafatin ho Ministeriu Ensinu Superior Siénsia no Kultura hodi bele haree no kontrola nafatin bolseiru sira,” Leila hatete.

Entretantu, bolseiru Ricardo Valente Basmeri dos Reis Araujo dehan, nia promete banhira remata nia estudu iha área ne'ebé nia estuda ba, nia sei fila mai hodi dezenvolve nasaun Timor ho di'ak liután.

"Bainhira ami akaba tinan haat, iha mehi ida fila mai iha nasaun Timor hodi dezenvolve no kontribui maximu tebes liuhosi área ne'ebe ami estuda iha nasaun Kamboja," Ricardo promete.