“Sé ita hein de'it buat sira ne'ebé maihusi liur, ita la preokupa buat ne'ebéiha rai laran, dala ruma aban bainrua ita bele mate hamlaha, kuandu la mai ita mate hamlaha”, dehan Taur hafoin enkontru Prezidente Repúblika, Francisco Guterres ‘Lú Olo’, iha Palásiu Prezidensiál, Bairopite, kinta (28/04).
Tanba hanesan publiku hatene situasaun folin sasán dadaun hahú sa'e maka’as, mak ema hothotu tenke filafali ba produz ai-farina, hudi, talas, batar sira ne'e, hodi bele sustenta hahán loroloron.
Ho ida ne'e, prinsípiu ne'ebé mak iha sidadaun hothotu tenke fó fali valór no importánsia maka’as oinsá mak tau matan ba produtu lokál sira iha rai laran.
Tanba ne’e Prezidente Repúblika (PR), Francisco Guterres ‘Lú Olo’, mós preokupa folin sasán ne'ebé sa'e maka’as iha rai laran hodi hatodan kapasidade kompradór.
“Preokupasaun kona-ba aumentu de presu ba produtu sira iha ita-nia rai laran inkluindu hahan ne'ebé sua eselénsia Prezidente preokupa loos”, dehan Taur.
Tanba atu responde ba preokupasaun ida ne'e, iha prinsípiu ne'ebé Governu presiza fó fali valór no importánsia maka’as ba produtu lokál oinsá garante hahán iha rai laran. (*)