Nia dehan, tuir alvu projetu mão de obra ne'e, sei termina antes selebrasaun loron proklamasaun independensia 28 fulan-novembru tinan 2021.
"Agora dadaun sei hein material servisu husi Dili, bainhira kompleta ona mak kontinua fali nune'e faze daruak bele termina, faze daruak dadaun ne'e hala’o ona no atinje ona 75%", dehan Francisco ba mídia sira iha nia kna’ar fatin Villa Antiga, kuarta (10/11).
Programa Mão de obra kompostu husi atividade haat ne’ebé hanesan, limpeza jerál, pinta monumentu, pinta trotoar no halo manutensaun ba estrada ne'ebé mak iha kuak.
"Laiha loron definitivu, importante mak sura loron 30 tenke termina, laiha planu tenke to'o fulan no loron, maibé bazeia kontratatu traballadór sira tenke servisu to'o loron 30," dehan nia
Faze primeiru, iha loron 15 termina termina ona no halo ona pagamentu ba traballadór sira, falta loron 15 tán hodi kompleta loron 30.
Ezekusaun orsamentu atinje ona 50% husi totál orsamentu US$47.750 ne'ebé kada aktividade aloka orsamentu 25%.
Postu Baukau Billa lansa mão de obra iha loron 30 fulan-setembru no hahú implementa iha loron 01 fulan-outubru tinan 2021. (*)