"Orsamentu ne'ebé apróvadu husi Parlamentu Nasionál promulgadu husi Prezidente Repúblika 6 millões iha tiha ona", dehan Diretór Jerál Dezenvolvimentu Rurál, Rosito Guterres, hafoin reprezenta Ministru Administrasaun Estatál inaugura UNP faze daruak iha Suku Triloka-Baukau, Tersa (31/01).
Husi orsamentu tokon US$6, ne'ebé Governu preve iha tinan 2023, sei aloka ba Postu Administrativu ho montante rihun US$100, ne'ebé kompostu husi orsamentu operasionál pursentu 25, enkauntu restu aloka ba selu traballadór sira.
Planu PMOPA ba tinan 2023 laiha ona atividade hanesan hamoos lixu sira, maibé prioridade ba atividade produtivu sira hanesan kuda ai-oan no halo manutensaun ki'ik ba estrada rural sira iha nivél Suku, ne'ebé sei akontese iha tempu badak.
"Ddadaun Governu foku ba atividade produtivu sira, hanesan re-florestasaun, halo manutensaun ki'ik ba estrada rural sira, maibé nia prinsípal liu-liu atu kria kampu servisu ba ema hotu-hotu iha nivél área rural sira", nia hatete
Polítika Governu ne'ebé aloka orsamentu ba Administradór Postu sira, atu rekupera ekonómia família iha área rural, tanba ne'e programa refere benefisiu direita ba povu.
"Oitavu Governu aloka ona osan ba Postu ida-idak, Administradór Postu sira utiliza osan ne'e ho kuidadu, tanba ne'e Orsamentu Jerál Estadu, eh husu atu osan ida ne'e to'o duni ba benefisiáriu sira ne'ebé tuir oitavu Governu katak, sira merese duni sai rekuperasaun ekonómia, no minimu ita resposta ba situasaun sosial no ekonómia ne'ebé ita nia país hasoru", nia afirma
Entretantu PMOPA ba tinan 2022, Governu tau Orsamentu Ratifikativu (OR) montante tokon US$7.2, ne'ebé implementa sub-atividade hamutuk rihun 35 iha Teritóriu laran, kompostu husi Postu Administrativu 62, no fó ona servisu informal ba ema rihun 67 iha teritóriu nasionál. (*)