Diretór Diresaun Nasionál Empregu Exteriór, Filomeno Soares esploka, programa Pre-Departure Briefing nu’udar formasaun ida, atu informa kle’an disiplina servisu, kultura servisu, no regulamentu balun iha nasaun Austrália.
“Husu ba traballadór sira, durante loron rua nia laran atubele aproveita didi’ak oportunidade ida ne’e hodi aprende, nune’e bele hatene ona regulamentu, no disiplina servisu iha Austrália, tanba regulamentu no disiplina servisu iha Austrália, la-hanesan iha ita-nia nasaun”, dehan nia iha sala ETDA, kinta (13/01).
Tanba nasaun Austrália iha ninia regulamentu atu regula traballadór sira, labele ses-an husi sistema, no hatudu komportamentu servisu ne’ebé di’ak, nune’e empregadór husi Austrália bele emprega tán Timoroan ne’ebé hein hela oportunidade servisu.
Husi traballadór 23 ne'e, iha ema na’in-17 sei aranka uluk ba Austrália iha loron 26 Janeiru 2022. Iha na’in-10 sei ba servisu iha kompaña Hillwood Berries no na’in 7 sei servisu iha kompaña Tasmanian Berries.
Nune'e mos, traballadór na’in-neen (6) sei aranka iha loron 09 fevereiru 2022, ba servisu iha komapaña Tou’s Garden. (*)