Tuir informasaun ne’ebé www.tempotimor.com, asesu iha portal governu, kinta (24/08/2023) katak, sorumutuk ne’e hala’o iha instalasaun Sekretária Estadu ida-ne’e nian, iha loron 21 fulan-agostu tinan 2023, ko’alia kona-ba planu Governu nian iha área empregu no formasaun profisionál no mós kona-ba posibilidade hodi serbisu hamutuk ho ajénsia oin-oin Nasoins Unidas nian.

Sekretáriu Estadu informa kona-ba prioridade prinsipál setór ne’e nian, no ko’alia liuba planu kapasitasaun ba joven sira, ne’ebé foka liuliu iha hanorin lian ingleza no koreana, atu prepara sira ba oportunidade serbisu sazonál no empregu iha rai-li’ur.

Tanba ne’e, hakarak estabelese sentru formasaun iha munisípiu sira hodi hasa’e nível kompeténsia traballadór timoroan sira-nian, husikedas nível la kualifikadu to’o ba abilidade nível médiu.

Tema importante seluk ne’ebé diskute iha sorumutuk ne’e maka promove negósiu ki’ik, hanesan restaurante no karpintária, nu’udar forma ida atu kria empregu no responde ba dezempregu iha país ne’e. (*)